របៀបព្យាបាលត្រចៀកក្រាញ់យ៉ាងមានប្រសិទ្ធភាព

ការកើតជាបញ្ហាត្រចៀកក្រាញ់តែងតែមានជាញឹកញាប់នៅលើក្រចកមេជើង។ ទោះបីជាបញ្ហាមួយនេះមិនមានអ្វីធ្ងន់ធ្ងរដល់សុខភាពក៏ដោយ ប៉ុន្តែវានៅតែផ្តល់ភាពរំខានបំផុតដល់អ្នកជំងឺដែរ។ វាបង្កជាការឈឺចាប់ដល់ម្រាមជើង ដូច្នេះ អ្នកនឹងមិនអាចដើរបានយ៉ាងស្រួលនោះទេ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ចំពោះមូលហេតុរបស់វាវិញច្រើនតែបង្កឡើងដោយការពាក់ស្បែកជើងតឹងៗ ឬរបួសនៅលើក្រចកជើងតែម្តង។ 

វិធីដ៏ងាយស្រួលបំផុតក្នុងការព្យាបាលត្រចៀកក្រាញ់នោះគឺធ្វើយ៉ាងណាឲ្យក្រចកជើងនោះដុះក្នុងរបៀបធម្មតារបស់វាវិញ។ 

អ្វីដែលត្រូវការ

• ជន្ទៀសឆ្កឹសក្រចក
• សម្លី

វិធីអនុវត្ត

មធ្យោបាយដ៏ល្អបំផុតដើម្បីព្យាបាលបញ្ហាត្រចៀកក្រាញ់បែបធម្មជាតិនោះ អ្នកត្រូវតែត្រាំជើងក្នុងទឹកអំបិលក្រៅឧណ្ហៗដើម្បីបន្ទន់ក្រចកជាមុនសិន។ 

នៅពេលក្រចកទន់ហើយ អ្នកត្រូវតែដាក់សម្លីនៅពីក្រោមក្រចកដែលជាត្រចៀកក្រាញ់នោះដោយប្រើជន្ទៀសឆ្កឹសក្រចក។ (អាន:ថ្នាំងងុយគេង ពេលអ្នកគួរប្រើ)អ្នកត្រូវតែធ្វើបែបនេះម្តងហើយម្តងរហូតដល់ក្រចកឈប់ដុះចាក់សាច់ទៀត និងបន្តកាត់ក្រចកនោះឲ្យត្រង់៕