ក្នុងអារម្មណ៍ចេះតែមិនសូវស្ងប់ ឬស្រ្តេសច្រើន ចូរព្យាយាមញ៉ាំអាហារទាំងនេះ

ធម្មតា ការដែលមានភាពតានតឹងក្នុងអារម្មណ៍គឺជារឿងមួយចៀសមិនផុតឡើយ តែវាងាយនឹងដោះស្រាយបានតាមរយៈវិធីផ្សេងៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ បើសិនជាអាការៈនេះកើតឡើងជាប់រហូត វាពិតជាមិនល្អចំពោះសុខភាពយើងឡើយ ដូច្នេះហើយអ្នកគួរតែជ្រើសរើសញ៉ាំអាហារឲ្យបានត្រឹមត្រូវដើម្បីដោះស្រាយវាបាន ហើយជួយឲ្យអារម្មណ៍ស្រស់ស្រាយទៀត។ 

បន្លែពណ៌បៃតង

ការញ៉ាំបន្លែពណ៌បៃតងដូចជា ស្ពៃ ឬត្រកួន អាចនឹងជួយរាងកាយបង្កើតបានជាសារធាតុ Dopamine ដែលជាសារធាតុគីមីជំរុញដល់ខួរក្បាលមានអារម្មណ៍ល្អ និងផ្តល់ការធូរស្បើយក្នុងអារម្មណ៍ទៀត។ 

ត្រីសាលម៉ុង

សារធាតុអាស៊ីតខ្លាញ់អូមេហ្គាបីក្នុងត្រីសាលម៉ុងអាចជួយបំបាត់អ័រម៉ូនបង្កភាពស្រ្តេសបាន។ ការសិក្សាមួយបានរកឃើញថា និសិ្សតពេទ្យដែលប្រើថ្នាំបំប៉នអូមេហ្គាបីទំនងអាចបន្ថយភាពតានតឹងបាន ២០ភាគរយដែរ បើសិនជាប្រៀបធៀបនឹងអ្នកមិនបានប្រើ។ 

គ្រាប់ស្វាយច័ន្ទី

គ្រាប់ធញ្ញជាតិមួយនេះប្រភេទនេះនឹងបង្កើនចំនួនជាតិស័ង្គសីក្នុងខ្លួន។(អាន:ថ្នាំងងុយគេង ពេលអ្នកគួរប្រើ) កាលណាចំនួនសារធាតុមួយនេះមានទាប វានឹងងាយធ្វើឲ្យមនុស្សមានភាពថប់អារម្មណ៍ និងបាក់ទឹកចិត្តខ្លាំងណាស់៕