យើងទាំងអស់គ្នាសុទ្ធតែដឹងហើយថា ការរស់នៅបែបស៊ីដេកៗ និងញ៉ាំអាហារច្រើនជាងតម្រូវការ សុទ្ធតែអាចនាំឲ្យធាត់បានទាំងអស់។ តើអ្នកមានដឹងទេថា ការធាត់ជ្រុលក៏អាចកើតឡើងជាលក្ខណៈគ្រួសារដែរ។ ដូច្នេះការដែលមានហ្សែនជាមនុស្សធាត់ គឺពិតជាប្រឈមខ្ពស់មែនទែននឹងការធាត់ជ្រុល ជាងអ្នកដែលមិនមានគ្រួសារជាមនុស្សធាត់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមរយៈអត្ថបទមួយនេះ ខ្ញុំនឹងបង្ហាញអំពីវិធីហាត់ប្រាណមួយចំនួនដែលល្អបំផុតសម្រាប់អ្នកដែលមានហ្សែនធាត់ៗ ដើម្បីការពារភាពធាត់ជ្រុលនៅថ្ងៃក្រោយបាន។

ការដើរ

បើយើងប្រៀបធៀបនឹងការរត់យឺតៗ ការដើរគឺផ្តល់ភាពងាយស្រួលជាងសម្រាប់សន្លាក់។ វាក៏ជាហេតុផលជាក់លាក់មួយដែលគ្រូពេទ្យជាច្រើននិយាយថា ការដើរគឺជារឿងល្អបំផុតសម្រាប់មនុស្សគ្រប់វ័យ ហើយវាក៏ជួយឲ្យរាងកាយមានភាពសមសួនផងដែរ។ 

ការឡើងភ្នំ

វាពិតជារឿងមួយជាក់ស្តែងមែនទែនដែលថា ការឡើងភ្នំគឺជាសកម្មភាពត្រូវការរាងកាយខ្លាំង ហើយវាជាវិធីមួយដែលអាចជំរុញដល់ការរំលាយជាតិខ្លាញ់បានកាន់តែច្រើនផង។ ការកាន់ ឬស្ពាយរបស់ធ្ងន់ៗក៏អាចផ្តល់ប្រយោជន៍ក្នុងការទប់ស្កាត់ភាពធាត់ជ្រុលផងដែរនៅពេលប្រើវិធីនេះហាត់ប្រាណ។ 

ការរាំ

អ្នកជំនាញខាងកាយសម្ពន្ធជាច្រើនយល់ស្របថា ការរាំគឺជាវិធីហាត់ប្រាណដ៏អស្ចារ្យមួយ មានន័យថា វាគឺជារឿងដែលរាងកាយអាចប្រើប្រាស់សាច់ដុំសំខាន់ៗបានច្រើន ហើយក៏ផ្តល់ប្រយោជន៍ចំពោះសុខភាពទៀត។

ការហាត់យូហ្គារយៈពេលវែង

ទោះបីជាវាគឺជាការហាត់ប្រាណដែលតិចតួចបំផុតក៏ដោយ តែការហាត់ប្រាណប្រភេទនេះអាចជួយរំលាយជាតិខ្លាញ់ដែលលើសបាន។(អាន:ថ្នាំងងុយគេង ពេលអ្នកគួរប្រើ) ការហាត់យូហ្គារយៈពេលមួយវែង ត្រូវបានគេណែនាំសម្រាប់អ្នកដែលប្រឈមខ្ពស់នឹងការធាត់ជ្រុល៕