3D Illustration of Human Body Organs Anatomy (Liver)

ថ្លើមគឺជាសរីរាង្គដ៏សំខាន់មួយក្នុងរាងកាយ ហើយក៏មានតួនាទីច្រើនណាស់ដែឬ ជាពិសេសការច្រោះជាតិពុលក្នុងខ្លួនតែម្តង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះហើយ កាលណាសរីរាង្គមួយនេះរងសម្ពាធខ្ពស់ពេកពីការបង្ករោគ ឬដោយសារជាតិពុលច្រើន វាពិតជាផ្តល់ហានិភ័យខ្លាំងណាស់ដល់សុខភាព។ ដូច្នេះដើម្បីបង្ការកុំឲ្យមានជំងឺលើថ្លើម យកល្អគួរតែតាមដាន និងយកចិត្តទុកដាក់ទៅលើមុខងារថ្លើមផង។ ការយល់ដឹងអំពីសញ្ញាសំខាន់ៗនៃការខូចថ្លើមនោះអាចជួយកំណត់រោគវិនិច្ឆ័យជំងឺណាមួយបានទាន់ពេលវេលា និងបង្ការបញ្ហាខ្សោយថ្លើមបានទៀតផង។ 

មិនឃ្លានអាហារ

អាការៈដំបូងគេបំផុតនៃបញ្ហាថ្លើមគឺការមិនឃ្លានអាហារតែម្តង។ រាល់ការខូចខាតថ្លើម សុទ្ធតែបណ្តាលឲ្យកើនឡើងជាតិពុលច្រើនក្នុងរាងកាយ ដូច្នេះវាក៏ប៉ះពាល់ដល់ចំណង់អាហារដែរ។ ក្រៅពីនេះ វានឹងកាត់បន្ថយការបឺតស្រូបវីតាមីន និងជាតិរ៉ែ ដែលនាំឲ្យអស់កម្លាំងបាន។ ដូច្នេះបើសិនជាអ្នកមានអាការៈមិនឃ្លានអាហារច្រើនជាងមួយសប្តាហ៍ វាគួរតែដល់ពេលទៅពិគ្រោះជាមួយគ្រូពេទ្យហើយ។ 

ចង្អោនិងក្អួត

ការចង្អោរ និងក្អួតដែលបណ្តាលមកពីការខូចថ្លើមនោះច្រើនតែបណ្តាលមកពីមានជាតិពុលច្រើនជ្រុលក្នុងថ្លើម។ ជាមួយគ្នានេះដែរ បើសិនជាអ្នកធ្លាប់មានបញ្ហាក្អួត និងចង្អោរភ្លាក្រោយពីញ៉ាំអាហារ ឬភេសជ្ជៈរួច វាក៏ដល់ពេលត្រូវជួបពេទ្យដែរ 

ភ្នែកប្រែពណ៌

សញ្ញាដ៏សំខាន់មួយនៃជំងឺរលាកថ្លើមនោះគឺ ភ្នែក និងស្បែកទៅជាលឿង។ យ៉ាងណាមិញ បើសិនជាភ្នែកប្រែពណ៌តែម្តង ជាពិសេសនៅពេលព្រឹកទៀត នោះវាអាចបញ្ជាក់ថាថ្លើមកំពុងតែខូចខាតហើយ។ ដូច្នេះយកល្អគួរតែតាមដានយ៉ាងប្រុងប្រយ័ត្នចំពោះការប្រែប្រួលពណ៌ភ្នែករបស់អ្នកផង។ 

ទឹកនោមពណ៌ខាប់

កាលណាថ្លើមធ្វើការមិនបានល្អទេ វានឹងមានការផលិតទឹកប្រមាត់កាន់តែច្រើន កង្វះការអង់ស៊ីមដើម្បីរំលាយវា ដូច្នេះ វានឹងបណ្តាលឲ្យកើនឡើងពណ៌ទឹកប្រមាត់កាន់តែច្រើនក្នុងរាងកាយ។ ពណ៌ទាំងនេះធ្លាប់តែមានបន្តិចបន្តួចតែប៉ុណ្ណោះក្នុងទឹកនោម ប៉ុន្តែបើសិនជាវាមានការប្រែប្រួលពីលឿងតិចតួចទៅលឿងខ្លាំង ឬខាប់នោះ វាពិតជាសញ្ញាមួយនៃការខូចថ្លើមហើយ។ នៅពេលភ្នែកទៅជាលឿងដែរនោះ វាក៏ជាសញ្ញាមួយបញ្ជាក់ថារលាកថ្លើមដែរ។ 

ឈឺពោះនិងហើមពោះ

ថ្លើមស្ថិតនៅផ្នែកខាងលើ និងខាងស្តាំនៃពោះ ហើយរាល់ការឈឺចាប់ ឬមិនស្រួលនៅកន្លែងនេះប្រហែលជាសញ្ញាដ៏ច្បាស់មួយនៃការខូចខាតថ្លើមខ្លះហើយ។ ក្រៅពីនេះ ភាពតឹងពោះក៏អាចបញ្ជាក់ថាថ្លើមកំពុងតែហើម និងត្រូវការពិគ្រោះជាមួយគ្រូពេទ្យដើម្បីទាត់ចោលបញ្ហាថ្លើមធ្ងន់ធ្ងរផ្សេងៗ។ 

ហើមជើង

មែនហើយ មិនមែនមនុស្សគ្រប់គ្នាសុទ្ធតែដឹងថា ការខូចថ្លើមអាចចេញជាសញ្ញាហើមនៅជើងនោះទេ។ នេះដោយសារតែថ្លើមមិនអាចច្រោះជាតិពុលបាន ដូច្នេះវានឹងបណ្តាលឲ្យកើនឡើងកាកសំណល់ក្នុងលំហូរឈាម ហើយកាកសំណល់ទាំងនេះនឹងកកកុញក្នុងផ្នែកផ្សេងៗនៃរាងកាយ ជាពិសេប្រអប់ជើងតែម្តង។ (អាន:ថ្នាំងងុយគេង ពេលអ្នកគួរប្រើ)

បើសិនជាអ្នកចូលចិត្តញ៉ាំគ្រឿងស្រវឹង ញ៉ាំអាហារគ្មានអនាម័យ ឬកំពុងតែមានបញ្ហាឡើងលឿងស្បែក ឬមានការបង្ករោគនៅថ្លើម អ្នកក៏ងាយរងនឹងបញ្ហាខូចថ្លើមច្រើនជាងមនុស្សមានសុខភាពល្អដែរ។ ដូច្នេះបើសិនជាអ្នកធ្លាប់មានអាការៈទាំងនេះ ចូរធ្វើយ៉ាងណាទាក់ទងនឹងគ្រូពេទ្យភ្លាម៕