បុរសម្នាក់នៅក្រុងញូវដេលី ប្រទេសឥណ្ឌា បានដាក់ពាក្យបណ្តឹងទៅតុលាការសុំលែងលះ ដោយសារប្រពន្ធរបស់ខ្លួន “វក់” លេងឆាតតាមបណ្តាញទំនាក់ទំនងសង្គមខ្លាំងពេកហើយតាំង ពីរៀបការមក ពួកគេមិនទាន់ទាំងបានផ្សំដំណេកផងទេ។
បុរសជាប្តីឈ្មោះ ណារេនដ្រា ស៊ីង (Narendra Singh) អាយុ ៣០ ឆ្នាំដែលជាអ្នកជំនាញខាង សូហ្វវែរបានអង្វរសុំឱ្យតុលាការជួយអន្តរាគមន៍ ចេញសេចក្តីសម្រេចឱ្យគាត់លែងលះប្រពន្ធ របស់ខ្លួន ដែលវក់លេងឆាតបណ្តាញទំនាក់ទំនងសង្គម ដល់ថ្នាក់គ្មានពេលសម្រាប់ប្តី និងគ្រួសារ។
បុរសរូបនេះបានអះអាងថា គាត់អន់ចិត្តណាស់ដែលប្រពន្ធរបស់ខ្លួនវក់លេងឆាតជាមួយ ប្រុសៗតាម WhatsApp រហូតយប់ជ្រៅ ហើយរាល់ពេលគាត់ព្យាយាមប្រាប់ឱ្យនាងឈប់លេង នាងតែងតែខឹង ហើយថែមទាំងគំរាមធ្វើបាបគាត់ទៀតផង។
មេធាវីតំណាងបុរសជាប្តីបានប្រាប់កាសែតឥណ្ឌា Mail Today ថា ជាជំហានដំបូង តុលាការ នឹងធ្វើការសម្រុះសម្រួលរវាងប្តីប្រពន្ធទាំងពីរនៅខែកក្កដា នេះដើម្បីស្វែងយល់ថាតើភាពតានតឹង និងការមិនចុះសម្រុងគ្នារវាងពួកគេទាំងពីរអាចដោះស្រាយបានឬយ៉ាងណាមុននឹងចេញសេចក្តី សម្រេច។
ហើយប្រសិនបើតុលាការសម្រេចឱ្យពួកគេលែងលះមែននេះជាករណីលែងលះដំបូងមិនធ្លាប់ មានដោយសារ “ការវក់ឆាតលេងតាមបណ្តាញទំនាក់ទំនងសង្គម”៕
ប្រភព៖ rasmeinews.com