នៅអាមេរិក ការញ៉ាំថ្លើមសត្វមិនសូវមានភាពពេញនិយមឡើយ ប៉ុន្តែសម្រាប់ប្រទេសកម្ពុជាយើងវិញ ថ្លើមសត្វ និងសាច់គ្រឿងខ្នងគឺពេញនិយមខ្លាំងណាស់។ សម្រាប់ប្រភេទភាគច្រើន ថ្លើមត្វត្រូវបានគេចាត់ទុកថាជាអាហារផ្តល់សុខភាពល្អបំផុត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ មនុស្សភាគច្រើនតែងគិតថា ថ្លើមសត្វគឺជាសរីរាង្គដែលច្រោះជាតិពុល ហើយក៏មិនសូវមានកេរ្តិ៍ឈ្មោះល្អក្នុងការទទួលទានដែរ។ ប៉ុន្តែ ថ្លើមសត្វសម្បូរទៅដោយវីតាមីន និងជាតិរ៉ែសំខាន់ៗច្រើនណាស់។ ខាងក្រោមនេះគឺជាហេតុផលល្អៗមួយចំនួនដែលថា ការញ៉ាំថ្លើមសត្វល្អចំពោះសុខភាព។
វីតាមីន A
ត្រឹមថ្លើមសត្វ ៨៥ក្រាម អ្នកនឹងទទួលបានវីតាមីន A រហូតដល់ ៦៥៨២ម៉ៃក្រូក្រាមទៅហើយ ដែលវាច្រើនជាងតម្រូវការប្រចាំថ្ងៃរហូតដល់ ៧ដងឯណោះ។ បុរសត្រូវពេញវ័យត្រូវការ ៩០០ម៉ៃក្រូក្រាម ស្រ្តីត្រូវការ ៧០០ម៉ៃក្រូក្រាម និងស្រ្តីមានផ្ទៃពោះត្រូវការចាប់ពី ៧៥០ ទៅ១៣០០ម៉ៃក្រូក្រាមអាស្រ័យទៅតាមអាយុ។
វីតាមីន A ជាតម្រុវការសម្រាប់ប្រព័ន្ធភាពស៊ាំប្រកបដោយសុខភាពល្អ ការបន្តពូជ និងសុខភាពភ្នែក។ ទោះបីជាបេះដូង សួត និងតម្រងនោមក៏ត្រូវការវីតាមីននេះដើម្បីធ្វើការដែរ។
វីតាមីន B2
ត្រឹមសាច់ថ្លើមសត្វ ៨៥ក្រាម អ្នកនឹងទទួលបានវីតាមីន B2 ២,៩មីលីក្រាម ដែលវាច្រើនជាងតម្រូវការប្រចាំថ្ងៃ (បុរស ១,៣មីលីក្រាម ស្រ្តី ១,១មីលីក្រាម ស្រ្តីមានផ្ទៃពោះ ១,៤មីលីក្រាម និងស្រ្តីបំបៅដោះកូន ១,៦មីលីក្រាម) ទៅទៀត។
រាងកាយត្រូវការវីតាមីន B2 ដើម្បីមុខងារសរសៃប្រសាទធ្វើការបានល្អ។ វាក៏ជួយជំរុញដល់សុខភាពស្បែក និងការផលិតគ្រាប់ឈាមក្រហមដែរ។ បើមិនមានវីតាមីន B2 គ្រប់គ្រាន់ទេ អ្នកនឹងអស់កម្លាំង ព្រមទាំងចេញជាអាការៈ លូតលាស់យឺត បញ្ហាក្រពះពោះវៀន ហើមបំពង់ក និងប្រេះបបូរមាត់។
វីតាមីន B9
វីតាមីន B9 ឬហៅម្យ៉ាងទៀតថា អាស៊ីតហ្វូលិក គឺជាសារធាតុដ៏សំខាន់ដើម្បីមុខងារខួរក្បាលធ្វើការបានល្អ។ វាក៏ជាតម្រូវការសម្រាប់សុខភាពផ្លូវចិត្តដែរ។ ត្រឹមសាច់ថ្លើមសត្វ ៨៥ក្រាម វាផ្តល់វីតាមីនមួយនេះបាន ២១៥ម៉ៃក្រូក្រាម។ បុរស និងស្រ្តីវ័យកណ្តាលត្រូវការវីតាមីននេះ ៣០០ម៉ៃក្រូក្រាមជារៀងរាល់ថ្ងៃ។
វាគឺជាជីវជាតិដ៏សំខាន់សម្រាប់ស្រ្តីមានផ្ទៃពោះ និងបំបៅដោះកូន ដែលត្រូវការរហូតដល់ ៥០០ ទៅ ៦០០ម៉ៃក្រូចក្រាមឯណោះ។ អាស៊ីតហ្វូលិកសំខាន់ណាស់សម្រាប់ការលូតលាស់ និងធំធាត់ប្រកបដោយសុខភាពល្អ។ ការដែលមានជីវជាតិនេះគ្រប់គ្រាន់ក្នុងពេលមានផ្ទៃពោះ វានឹងកាត់បន្ថយការប្រឈមនឹងខូចបំពង់សរសៃប្រសាទ និងបញ្ហាពេលសម្រាលនានាបាន។
វីតាមីន B12
ថ្លើមសត្វក៏សម្បូរវីតាមីន B12 ខ្ពស់ដែរ ដែលជាតម្រូវការសម្រាប់ផលិតគ្រាប់ឈាមក្រហម ប្រព័ន្ធសរសៃប្រសាទកណ្តាលមានសុខភាពល្អ និងការបំបែកប្រូតេអ៊ីន។ ត្រឹមថ្លើមសត្វឆ្អិន ៨៥ក្រាម មានវីតាមីនមួយនេះ ៧០,៧ម៉ៃក្រូក្រាមទៅហើយ ដែលវាច្រើនជាងតម្រូវការរបស់យើងរហូតដល់ ៣០ដងឯណោះ។ មនុស្សធម្មតាត្រូវការ ២,៤ម៉ៃក្រូក្រាម ស្រ្តីមានផ្ទៃពោះត្រូវការ ២,៦ម៉ៃក្រូក្រាម និងស្រ្តីបំបៅដោះកូនត្រូវការ ២,៨ម៉ៃក្រូក្រាម។
ជាតិដែក
ថ្លើមសត្វអាចផ្តល់នូវជាតិដែកដែលអ្នកត្រូវការបាន។ ជាតិរ៉ែមួយនេះជាតម្រូវការដ៏ចាំបាច់សម្រាប់បង្កើតកោសិកាគ្រាប់ឈាមក្រហមដើម្បីដឹកនាំអុកស៊ីសែនក្នុងរាងកាយ។ បើសិនជាគ្មានជាតិដែកគ្រប់គ្រាន់ទេ អ្នកនឹងមានបញ្ហាកង្វះគ្រាប់ឈាម និងចេញជាអាការៈអស់កម្លាំង វង្វេងវង្វាន់ និងខ្សោយក្នុងរាងកាយ។ (អាន:ថ្នាំងងុយគេង ពេលអ្នកគួរប្រើ)ត្រឹមថ្លើមសត្វឆ្អិត ៨៥ក្រាម អាចផ្តល់នូវជាតិដែក ៥មីលីក្រាមទៅហើយ។ រាងកាយមនុស្សប្រុសត្រូវការជាតិដែក ៨មីលីក្រាម ស្រ្តី ១៨មីលីក្រាម និងស្រ្តីមានផ្ទៃពោះ ២៧មីលីក្រាមក្នុងមួយថ្ងៃ៕