Join with Health.com.kh on Telegram

ជាមួយនឹងការចាស់ទៅតាមអាយុ ឬរបៀបរស់នៅបែបអសកម្ម ជង្គង់បានក្លាយទៅជាសរីរាង្គមួយដែលងាយនឹងឈឺចាប់ និងតឹងខ្លាមងណាស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការដែលធ្លាប់មានអាការៈហើម និងលឺសម្លេងផោះៗពេលអង្គុយ ឬឈរគឺជាសញ្ញាមួយនៃការខូចខាតរបស់ជង្គង់ហើយ។ ជាមួយគ្នានេះដែរ ការដែលមានរបួសលើឆ្អឹងខ្ចីក្នុងសន្លាក់ ឬខូចសន្លាក់ត្រគៀកដោយសារការធាត់ជ្រុលកាន់តែដាក់សម្ពាធខ្លាំងលើជង្គង់ថែមទៀតហើយ។ ដូច្នេះដើម្បីបង្ការបញ្ហានេះកុំឲ្យកើតមានបាន ជាពិសេសសម្រាប់មនុស្សវ័យខ្ទង់ ២០ ទៅ៣០ឆ្នាំគួរតែធ្វើដូចម្តេចទៅ?

គួរធ្វើ

  • ចំណាយពេលវេលាហាត់ប្រាណដោយការដើរក្នុងល្បឿនលឿនត្រឹមតែ ១៥នាទី ជារៀងរាល់ថ្ងៃគឺគ្រប់គ្រាន់ហើយដើម្បីជួយសម្រួលដល់ភាពរអិលស្រួលរបស់សន្លាក់ជង្គង់។ 
  • មុនពេលហាត់ប្រាណ ឬត្រូវរត់កីឡា អ្នកគួរតែស្អំទឹកក្តៅនៅជុំវិញសន្លាក់ជង្គង់យ៉ាងហោចណាស់ ២០ ទៅ២៥នាទីសិន ដើម្បីសម្រួលដល់ភាពធូស្រួលរបស់សន្លាក់នេះ និងបង្កើនរបត់ឈាមរត់នៅជុំវិញជង្គង់ផង។
  • បើសិនជាមានអារម្មណ៍ថាឈឺចាប់ រលាក ឬហើមនៅជុំវិញជង្គង់នោះ មធ្យោបាយដ៏ល្អបំផុតគឺការស្អំទឹកកក។ 
  • បើសិនជាអ្នកធ្វើការនៅមុខកុំព្យូទ័រជាប់ និងត្រូវអង្គុយរយៈពេលយូរនោះ ជង្គង់ពិតជាងាយរងការឈឺចាប់ខ្លាំងណាស់។ ដើម្បីដោះស្រាយ យើងគួរតែព្យាយាមពុតពែនជើងជារៀងរាល់ ពីរបីម៉ោងម្តងទៅ។ 

មិនគួរធ្វើ

  • មិនត្រូវព្យាយាមហាត់ប្រាណច្រើនជ្រុលនៅថ្ងៃចាប់ផ្តើមហាត់ដំបូងឡើយ ព្រោះវាមិនត្រឹមតែធ្វើឲ្យហត់ខ្លាំងទេ តែអាចខូចដល់សន្លាក់រាងកាយទៀតផង ជាពិសេសជង្គង់តែម្តង។ 
  • មនុស្សភាគច្រើនទៅសុំពេទ្យចេញថ្នាំបំប៉នសុខភាពឆ្អឹង តែសូមចាំថា នៅពេលអាយុកាន់តែច្រើន សមត្ថភាពរបស់ឆ្អឹងក្នុងការបំពេញតួនាទីរបស់វាគឺកាត់បន្ថយហើយ ដូច្នេះអ្នកគួរតែប្រើក្នុងកម្រិតមួយធម្មតាៗបានហើយ។ អ្នកក៏អាចទទួលជីវជាតិនេះពីចំណីអាហារបានដែរ។ 
  • មែនហើយ កាលស្យូមគឺជាជាតិរ៉ែដ៏សំខាន់មួយសម្រាប់សុខភាពឆ្អឹង តែមានវីតាមីន និងជាតិរ៉ែផ្សេងៗទៀតដែលជួយបង្ការការឈឺសន្លាក់បានដែរ។ ការកង្វះវីតាមីន C, D និង K ក្នុងរបបអាហារអាចប្រឈមខ្ពស់នឹងការឈឺជង្គង់ដែរ។ 
  • បើសិនជាអ្នកមានឆ្អឹងខ្សោយ ការជ្រើសរើសលំហាត់ប្រាណដោយការរត់ និងលោតអន្តាក់គឺជារឿងដែលត្រូវហាមប្រាម។ ជាមួយគ្នានេះដែរ ចូរចៀសវាងការរត់នៅលើផ្លូវថ្នល់អាចធ្វើឲ្យខូចសន្លាក់ជង្គង់បានដោយសារតែសម្ពាធបុកខ្លាំងនៅពេលកំពុងតែរត់។(អាន:ថ្នាំងងុយគេង ពេលអ្នកគួរប្រើ) ដូច្នេះអ្នកអាចព្យាយាមហាត់ប្រាណដោយហែលទឹក និងជិះកង់វិញ ព្រោះវានឹងជួយឲ្យរាងកាយមានភាពសកម្មដដែល សាច់ដុំអាចបត់បែនបានល្អ និងបង្ការការឈឺជង្គង់ទៀត៕