ចាំអីទៀត ក្បាច់៣នេះ ជួយដោះស្រាយបញ្ហាអ្នកនិងម្តាយក្មេកហើយ

ប្រសិនជាអ្នកចង់ដោះស្រាយបញ្ហាដែលកើតឡើងរវាងអ្នក និងម្តាយក្មេក អ្នកអាចអនុវត្តតាមវិធីខាងក្រោមនេះ។ តើមានអ្វីខ្លះទៅ?

1.    បញ្ហាភាគច្រើនដែលកើតឡើងរវាងកូនប្រសារ និងម្តាយក្មេក គឺកើតចេញពីការប្រកាន់ជំហររៀងខ្លួន ដោយមិនព្រមចុះញ៉មនឹងគ្នាទេ។ ដូចនេះ ប្រសិនជាអ្នកមិនចង់មើលមុខគ្នាមិនចំ អ្នកគួរតែចេះថយមួយជំហានខ្លះ ដោយមិនគួរប្រកាន់ចរិតរឹងនឹងគាត់ទេ។

2.    អ្នកគួរតែរកឲ្យឃើញចំណុចដូចគ្នារវាងម្តាយក្មេក និងខ្លួនអ្នក ទើបអាចធ្វើឲ្យអ្នកអាចចុះសម្រុងនឹងគ្នាបានល្អ។ ដូចនេះ អ្នកគួរតែរកឲ្យឃើញចំណុចសំខាន់មួយនេះឲ្យបាន ទើបមនោសញ្ចេតនាអ្នកនិងម្តាយក្មេក អាចកាន់តែល្អទៅៗ។ ចំណុចដូចគ្នានៅទីនេះ អាចសំដៅដល់ការចង់ឲ្យស្វាមីអ្នករស់នៅបានសុខ។ ប្រសិនជាអ្នកអាចមើលថែទាំប្តីបានល្អ នោះអ្នកនឹងមិនសូវកើតជម្លោះនឹងម្តាយក្មេកឡើយ។

3.    ប្រសិនជាអាច អ្នកគួរតែរស់នៅផ្សេងគ្នា ទើបមិនសូវមានជម្លោះកើតឡើង ហើយអាចមើលមុខគ្នាចំទៀតផង។ ដូចនេះ អ្នកអាចរស់នៅផ្ទះផ្សេងគ្នា ហើយអាចទៅលេងពួកគាត់នៅពែលដែលអ្នកទំនេរ ទើបអាចរក្សាមនោសញ្ចេតនាអ្នកទាំងពីរបានល្អ ហើយអ្នកក៏មិនសូវឈ្លោះនឹងប្តី ព្រោះតែរឿងម្តាយក្មេកដែរ៕