តើអ្នកស្អប់ការភ្ញាក់ផ្អើលដែរទេ? បើសិនជាអញ្ចឹងមែន ការមករដូវរបស់អ្នកអាចនឹងធ្វើឲ្យមានការភ្ញាក់ផ្អើលបន្តិចហើយបើសិនជាអ្នកដឹងថា វាទំនងជាជិតដល់ពេលមកដល់ហើយនោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មែនហើយ អ្នកអាចយកឈ្នះការភ្ញាក់ផ្អោះលនេះបានតាមរយៈការដឹងអំពីអាការៈព្រមានរបស់វាជាមុនបាន។ ខាងក្រោមនេះគឺជាសញ្ញាបញ្ជាក់មួយចំនួនដែលប្រាប់ថា អ្នកជិតដល់ពេលមករដូវហើយ៖
កើតមុន
អ័រម៉ូនក្នុងរាងកាយនឹងឡើងខ្ពស់នៅពេលអ្នកកំពុងតែមករដូវ ហើយអ្នកអាចងាយនឹងដឹងតាមរយៈការសម្គាល់ឃើញលើស្បែក ដោយវានឹងទៅជាមានជាតិប្រេងច្រើនជាងមុន។ ជាលទ្ធផល អ្នកនឹងអាចកើតចេញជាមុនច្រើនគ្រាប់។
អារម្មណ៍មិនល្អ
តើអ្នកមានអារម្មណ៍ល្អសុខៗស្រាប់តែបាក់ទឹកចិត្តវិញភ្លាមដែរទេ? ការដែលមានអារម្មណ៍ប្រែប្រួលបែបនេះគឺជាសញ្ញាដ៏ច្បាស់លាស់មួយថា អ្នកជិតមករដូវហើយ។ ប៉ុន្តែកុំបារម្ភអីព្រោះអារម្មណ៍នេះនឹងស្រួលបួលមកវិញក្រោយពីមករដូវរួច។
គេងមិនលក់
នេះគឺជារឿងមួយផ្សេងទៀតដែលអាចធ្វើឲ្យអារម្មណ៍អ្នកកាន់តែមិនល្អទៅៗនោះគឺការគេងមិនលក់។ ការដែលគេងមិនបាននៅពេលយប់ពីតជាធ្វើឲ្យមានអារម្មណ៍មិនល្អឡើយនៅថ្ងៃបន្ទាប់។ ប៉ុន្តែវាមិនមែនជាបញ្ហាធំដុំដែលត្រូវខ្វល់ខ្វាយឡើយ។
ក្តៅពេញខ្លួន
វាគឺជារឿងមួយធម្មតាទាំងស្រុងក្នុងការមានអារម្មណ៍ក្តៅពេញខ្លួន ជាពិសេសនៅមុខពីរបីថ្ងៃមុនពេលមករដូវ ហើយអ្នកអាចបន្ទោសរឿងនេះដោយសារតែអ័រម៉ូនបាន។ ពេលខ្លះ ការក្តៅបែបនេះអាចរំខានដល់ការគេងបានដែរ រហូតដល់បែកញើសពេលយប់ថែមទៀត។
តឹងសុដន់
ដល់ពេលដែលអ្នកជិតមករដូវ អ្នកនឹងសម្គាល់ដឹងថា សុដន់គឺតឹងជាងធម្តមា ដែលធ្វើឲ្យឈឺចាប់ពេលប៉ះពាល់។ រឿងនេះនឹងបាត់បាត់ទៅវិញក្រោយពីចាប់ផ្តើមមករដូវហើយ។
ឈឺពោះបែបរមួល
មានស្រ្តីច្រើនណាស់ដែលរអ៊ូរទាំងអំពីការឈឺចាប់ក្នុងពោះបែបរមួលរយៈពេលពីរបីថ្ងៃមុនពេលមករដូវ។ អញនកអាចនឹងមានអារម្មណ៍ថាដូចហើមពោះដែរ។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកងាយនឹងមានអាការៈឈឺពោះបែបរមួលជារៀងរាល់ខែ យកល្អគួរតែប្រើទឹកក្តៅស្អំបន្ថែមផង៕