ទូរស័ព្ទឆ្លាតវៃអាចធ្វើឲ្យឡើងទម្ងន់ដោយមិនដឹងខ្លួន

មានកម្មវិធីហាត់ប្រាណ និងសុខភាពច្រើនណាស់ដែលអ្នកអាចដំឡើងនៅលើទូរស័ព្ទឆ្លាតវៃរបស់អ្នកបាន ហើយខ្លះក៏ត្រូវការគូរគ្នាជាមួយនឹងនាឡិកាឆ្លាតវៃបន្ថែមទៀតដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែថ្វីបើរឿងនេះមានមែណ តែការឡើងទម្ងន់ដោយមិនដឹងខ្លួននៅតែកើតឡើងយ៉ាងច្រើនចំពោះអ្នកប្រើប្រាស់ទូរស័ព្ទឆ្លាតវៃ។ ប៉ុន្តែតើអ្នកមានដឹងខ្លួនទេថា នៅពេលដែលគ្មានទូរស័ព្ទក្នុងដៃត្រឹមតែ ៥នាទី អ្នកមិនស្រួលក្នុងខ្លួនដូចម្តេចទៅ? នេះហើយគឺជាហេតុផលមួយដែលធ្វើឲ្យការប្រើប្រាស់ទូរស័ព្ទឆ្លាតវៃនាំឲ្យធាត់ឡើងទម្ងន់ដែរ ហើយខាងក្រោមនេះគឺជាហេតុផលនៅពីក្រោយ៖

វាអាចធ្វើឲ្យអ្នកមិនចង់ទៅហាត់ប្រាណបាន

គ្រប់គ្នាដឹងហើយថា ការហាត់ប្រាណបានទៀងទាត់មិនគ្រាន់តែជារឿងសំខាន់សម្រាប់ជួយឲ្យមានរាងកាយកាន់តែសមសួនទេ តែវាក៏ល្អចំពោះសុខភាពទូទៅដែរ។ ជាអកុសល ទូរស័ព្ទឆ្លាតវៃជាហេតុផលមួយនាំឲ្យអ្នករស់នៅបែបស៊ីដេកៗ។ ជាពិសេសបើសិនជាអ្នកត្រូវការលេងហ្គេមអនឡាញទៀតនោះ វាពិតជាមានអត្ថិភាពជាងការហាត់ប្រាណហើយ។ 

ផ្តល់ជាការញ៉ាំអាហារមិនផ្តល់សុខភាពកាន់តែងាយស្រួល

ការប្រើទូរស័ព្ទឆ្លាតវៃ ងាយនឹងជួយឲ្យអ្នករកឃើញអាហារទំនងៗតាមអនឡាញ ជាពិសេសអាហារមិនផ្តល់សុខភាពតែម្តង។ មិនត្រឹមតែប៉ុណ្ណោះ វានឹងជួយឲ្យអ្នកអាចកម្មងមកញ៉ាំកាន់តែលឿនដោយសារតែសេវាកម្មបច្ចេកវិទ្យាសម័យទំនើប។ ដូច្នេះអ្នកមិនចង់ញ៉ាំក៏ពិបាកដែរ។ 

អាចធ្វើឲ្យអ្នកងងុយគេង

អ្នកជំនាញនិយាយថា ពន្លឺពណ៌ខៀវដែលចេញពីអេក្រង់ទូរស័ព្ទអាចធ្វើឲ្យរាងកាយមិនអាចផលិតអ័រម៉ូនងងុយគេង Melatonin គ្រប់គ្រាន់ទេ។ នេះហើយគឺជាហេតុផលដែលការអនឡាញយប់ៗពេកគឺជារឿងមិនល្អចំពោះទម្លាប់គេងនៅពេលយប់។ យ៉ាងណាមិញ ការឡើងទម្ងន់ដោយគេងមិនគ្រប់គ្រាន់កំពុងតែកើតឡើងយ៉ាងខ្លាំង ប៉ុន្តែវាមិនត្រូវបាននរណាស្វែងយល់ច្រើនឡើយ។ 

អាចធ្វើឲ្យស្រ្តេសកាន់តែច្រើន

ក្រៅពីគេងមិនគ្រប់គ្រាន់ មូលហេតុមួយដែលនាំឲ្យឡើងទម្ងន់ដែរនោះគឺស្រ្តេសកាន់តែច្រើន។ រឿងនេះអាចដោយសារតែការញ៉ាំអាហារកាន់តេច្រើនដោយសារតែស្រ្តេស ព្រោះវាអាចធ្វើឲ្យអ្នកមានអារម្មណ៍ល្អឡើងវិញ ប៉ុន្តែរឿងនេះក៏ជំរុញដល់ការឡើងទម្ងន់ដោយមិនដឹងខ្លួនវិញដែរ។ (អាន:ថ្នាំងងុយគេង ពេលអ្នកគួរប្រើ)ម៉្យាងវិញទៀត ការមើលឃើញក្នុងបណ្តាញសង្គម ក៏នាំឲ្យជីវិតកាន់តែស្រ្តេសខ្លាំងដែរ៕