Join with Health.com.kh on Telegram

ចង្វាក់របស់បេះដូងមនុស្សពេញវ័យដែលលោតធម្មតាក្នុងពេលសម្រាកនោះគឺពី ៦០ ទៅ១០០ដងក្នុងមួយនាទី។ បើសិនជាអ្នកមានបញ្ហាបេះដូងដើរយឺតវិញគឺបេះដូងលោតតិចជាង ៦០ដងក្នុងមួយនាទី។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

អាការៈបេះដូងដើរយឺតអាចជាបញ្ហាមួយធ្ងន់ធ្ងរបើសិនជាបេះដូងមិនអាចផ្តល់ការផ្គត់ផ្គង់ឈាមដែលមានអុកស៊ីសែនគ្រប់គ្រាន់ដើម្បីចិញ្ចឹមរាងកាយ។ យ៉ាងណាមិញ អ្នកខ្លះក៏មិនមានរោគសញ្ញា ឬផលប៉ះពាល់អ្វីដែរនៅពេលពួកគេមានបញ្ហាបេះដូងដើរយឺត។ 

ចំពោះផលវិបាកនៃអាការៈបេះដូងដើរយឺតដែលមិនបានព្យាបាលនោះគឺអាស្រ័យទោតាមភាពដើរយឺតរបស់បេះដូង កន្លែងដែលមានបញ្ហាចរន្តអគ្គិសនីក្នុងបេះដូង និងការខូចខាតផ្សេងៗដែលកើតឡើងលើបេះដូងផ្ទាល់។ (អាន:ថ្នាំងងុយគេង ពេលអ្នកគួរប្រើ)

បើសិនជាអាការៈបេះដូងដើរយឺតពិតជាបង្កជារោគសញ្ញាអ្វីមួយមែននោះ ផលប៉ះពាល់វាអាចនឹងកើតឡើងដែរដូចជា៖

  • ឧស្សាហ៍ដួលសន្លប់
  • ខ្សោយបេះដូង
  • អាចស្លាប់ភ្លាមៗដោយសារតែបេះដូងឈប់ដែរ៕