Join with Health.com.kh on Telegram

គីមឈីជាអាហារផ្អាប់មួយប្រភេទដែលមានប្រភពពីប្រទេសកូរ៉េ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាភាគច្រើននៃពួកយើងស្គាល់និងចូលចិត្តទទួលទានគីមឈឺ ប៉ុន្តែប្រហែលជាមិនធ្លាបដឹងអំពីអត្ថប្រយោជន៍ដ៏ប្រសើររបស់វាចំពោះសុខភាពឡើយ។ ថាតើគីមឈីល្អយ៉ាងណាខ្លះទៅ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការទទួលទានគីមឈី ៖

១. បង្កើនការរំលាយអាហារ

គីមឈីជួយបង្កើនការរំលាយអាហារតាមរយៈសារធាតុប្រូបាយអូទិកដែលវាមានផ្ទុក។ កំឡុងពេលត្រាំគីមឈីនឹងបង្កើតបាននូវបាក់តេរីល្អមួយហៅថា lactobacillus ដែលរាងកាយត្រូវការចាំបាច់ដើម្បីរក្សាសុខភាពប្រព័ន្ធរំលាយអាហាររឹងមាំប្រសើរ។

២. បន្សាបជាតិពុលក្នុងរាងកាយ

គ្រឿងផ្សំចម្បងនៃគីមឈី គឺស្ពៃបូកគោដែលបន្លែនេះមានប្រសិទ្ធភាពបន្សាបជាតិពុលផ្សេងៗពីក្នុងរាងកាយបានយ៉ាងប្រសើរ។ ដូច្នេះការទទួលទានគីមឈីអាចជួយកម្ចាត់ជាតិពុលនិងកាកសំណល់ពីក្នុងរាងកាយ។ ហើយប្រព័ន្ធរាងកាយគ្មានជាតិពុលនឹងជម្រុញការស្រូបយកសារធាតុចិញ្ចឹមបានកាន់តែប្រសើរ។

៣. ទប់ស្កាតបញ្ហាទល់លាមក

គីមឈីមានផ្ទុកសម្បូរទៅដោយជាតិសសៃដែលជួយរក្សាចលនាពោះវៀនល្អប្រសើរ។ ការទទួលទានគីមឈីជាប្រចាំអាចជួយទប់ស្កាត់បញ្ហាទល់លាមក។

៤. បញ្ចុះកូឡេស្តេរ៉ូលមិនល្អ

ការទទួលទានគីមឈីអាចជះឥទ្ធិពលលើកម្រិតនៃកូឡេស្តេរ៉ូលក្នុងរាងកាយគួរឱ្យកត់សម្គាល់។ អាហារកូរ៉េនេះមានផ្ទុកសម្បូរទៅដោយគ្រឿងទេសហឹរៗ រួមបញ្ចូលទាំងខ្ទឹមសដែលជាប្រភពនៃសារធាតុ allicin និង selenium ដែលជួយកាត់បន្ថយកម្រិតនៃកូឡេស្តេរ៉ូលមិនល្អ។

៥. សុខភាពស្បែក

បាក់តេរីដែលមានក្នុងគីមឈីមិនត្រឹមតែផ្ដល់អត្ថប្រយោជន៍ចំពោះសុខភាពប្រព័ន្ធរំលាយអាហារប៉ុណ្ណោះទេ ប៉ុន្តែក៏ល្អសម្រាប់សុខភាពស្បែកផងដែរ។ នោះក៏ព្រោះតែបាក់តេរីល្អ Lactobacillus អាចជួយទប់ស្កាត់បញ្ហាស្បែកជាច្រើន៕