Join with Health.com.kh on Telegram

ជំងឺមហារីក ជាបញ្ហាសុខភាពដ៏គួរឱ្យព្រួយបារម្ភបំផុតមួយដែលអាចឆក់យកអាយុជីវិតមនុស្សបានយ៉ាងងាយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណា ជំងឺមហារីកមិនលូតលាស់ភ្លាមៗត្រឹមរយៈពេលតែមួយយប់នោះទេ ហើយមានវិធីបង្ការបែបសាមញ្ញច្រើនណាស់ដែលអ្នកគួរអនុវត្តដើម្បីកាត់បន្ថយហានិភ័យនៃជំងឺគ្រោះថ្នាក់នេះដោយគ្រាន់តែកែប្រែសកម្មភាពប្រចាំថ្ងៃដូចជាការទទួលទានអាហារ និងភេសជ្ជៈ ព្រមទាំងការធ្វើលំហាត់ប្រាណជាប្រចាំ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារមួយចំនួនដែលអ្នកគួរទទួលទានដើម្បីប្រយុទ្ធប្រឆាំងជំងឺមហារីក ៖

១. ការ៉ុត

មានផ្ទុកសម្បូរទៅដោយសារធាតុប្រឆាំងអុកស៊ីតកម្ម beta-carotene ជួយការពារភ្នាសកោសិកាទាំងអស់ក្នុងរាងកាយពីផលប៉ះពាល់នៃជាតិពុលផ្សេងៗ។

២. ខ្ញី

មានផ្ទុកនូវសារធាតុប្រឆាំងនឹងអុកស៊ីតកម្ម ព្រមទាំងលក្ខណៈសម្បត្តិប្រឆាំងការរលាកដែលរារាំងការលូតលាស់នៃការកោសិកាមហារីក។ ដូច្នេះការទទួលទានតែខ្ញីឲ្យបានពី ២​ ទៅ ៣ ពែង ​រាល់ថ្ងៃ ហើយរួមបញ្ចូលខ្ញីក្នុងរបបអាហារប្រចាំថ្ងៃរបស់អ្នក គឺជាការប្រសើរ។

៣. ខ្ទឹមស

ជាប្រភពដ៏ប្រសើរនៃស្ពាន់ធ័រ សារធាតុ arginine និងសេលេញ៉ូមដែលមានប្រសិទ្ធិភាពខ្ពស់ក្នុងការកាត់បន្ថយហានិភ័យនៃជំងឺមហារីក។ ដូច្នេះការទទួលទានខ្ទឹមសជាប្រចាំអាចជួយកាត់បន្ថយការវិវត្តនៃកោសិកាមហារីកផ្សេងៗនៅក្នុងរាងកាយ។

៤. រមៀត

ជាប្រភពដ៏ប្រសើរបំផុតនៃសារធាតុ curcumin ដែលមានប្រសិទ្ធភាពកាត់បន្ថយទំហំនៃដុំសាច់មហារីក ហើយអាចប្រយុទ្ធប្រឆាំងជំងឺមហារីកសុដន់និងពោះវៀនធំគួរឱ្យកត់សម្គាល់។

៥. គ្រាប់ធញ្ញជាតិ

នោះក៏ព្រោះតែគ្រាប់ធញ្ញជាតិជាប្រភពដ៏ប្រសើរនៃជាតិសសៃ អាស៊ីតខ្លាញ់អូមេហ្កា ៣ ជាតិរ៉ែសំខាន់ៗ និងលក្ខណៈសម្បត្តិប្រឆាំងការរលាកក្នុងរាងកាយដែលជួយកាត់បន្ថយហានិភ័យនៃជំងឺមហារីកច្រើនប្រភេទ។

៦. ផ្លែទទឹម

ផ្លែឈើនេះមានផ្ទុកបរិមាណសារធាតុប្រឆាំងអុកស៊ីតកម្មខ្ពស់។ ជាពិសេស សារធាតុ Polyphenols ដែលជួយតាមដានត្រួតពិនិត្យលើព្រឹត្តិការណ៍ជីវសាស្រ្តផ្សេងៗដែលពាក់ព័ន្ធនឹងជំងឺមហារីក រួមទាំងការវិវត្តទៅជាជំងឺមហារីក។ ផ្លែទទឹមមានប្រសិទ្ធភាពក្នុងការកាត់បន្ថយហានិភ័យនៃជំងឺមហារីកថ្លើម មហារីកសុដន់ មហារីកស្បែក និងជំងឺមហារីកក្រពេញប្រូស្តាត។ បន្ថែមផ្លែឈើនេះចូលក្នុងរបបអាហារប្រចាំថ្ងៃរបស់អ្នក ដើម្បីទទួលបានគុណប្រយោជន៍ដ៏ល្អប្រសើរចំពោះសុខភាពជៀសឆ្ងាយពីជំងឺមហារីក៕