ស្រ្តីគ្រប់រូបតែងតែចង់បានហើយនូវក្រចកដ៏រឹងមាំ និងសក់ដ៏ភ្លឺរលោង។ មានផលិតផលច្រើនណាស់ដែលដាក់លក់នៅលើទីផ្សាដែលផ្សព្វផ្សាយអំពីរឿងនេះ។ មានអាហារពិសេសៗច្រើនផងដែរក្នុងការជំនួយដល់រឿងនេះទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែតើអ្នកមានដឹងទេថា អ្នកគួរតែមិនញ៉ាំអាហារអ្វីខ្លះទៅ? មែនហើយ មានអាហារមួយចំនួនដែរ ដែលអាចប៉ះពាល់ដល់សុខភាពសក់ និងក្រចករបស់អ្នក។ ដូច្នេះចូរចៀសវាងអាហារដូចខាងក្រោមនេះបើសិនជាអ្នកចង់បានសក់ និងក្រចកប្រកបដោយសុខភាពល្អ។

ត្រី

យើងទាំងអស់គ្នាតែងតែដឹងហើយថាត្រីគឺមានផលល្អចំពើសុខភាពណាស់ ប៉ុន្តែចំពោះត្រីដែលមានជាតិបារតខ្ពស់ប្រហែលជាមានផលប៉ះពាល់ដល់សុខភាព ជាពិសេសសក់ និងក្រចកតែម្តង ដែលវាអាចបណ្តាលឲ្យសក់ទៅជាស្តើង និងក្រចកផុយស្រួយជាដើម។ យកល្អគួរតែញ៉ាំត្រីបែបនេះត្រឹមតែម្តងក្នុងមួយសប្តាហ៍បានហើយ។ ត្រីសម្បូរជាតិបារតជាងគេគឺត្រីសមុទ្រ។

ជាតិផ្អែម

យើងដឹងហើយថាជាតិផ្អែមមិនប្រាកដថាផ្តល់សុខភាពឡើយ ពិសេសធ្វើឲ្យកើតជំងឺទឹកនោមផ្អែមតែម្តងបើសិនជាញ៉ាំច្រើន។ វាក៏បណ្តាលឲ្យកើនឡើងអ័រម៉ូន Androgen ដែលជាអ័រម៉ូនភេទប្រុសដែរ។ អ័រម៉ូននេះនឹងធ្វើឲ្យឬសសក់រួមស្វិត និងកាត់បន្ថយការលូតលាស់សក់តែម្តង។ 

វីតាមីន A

រឿងនេះពិបាកជឿដែរ ដែលថាវីតាមីន A មានផលអាក្រក់ចំពោះក្រចក និងសក់។ តាមពិតវាអាចបណ្តាលឲ្យសក់ជ្រុះបានដែរ។ ជាទូទៅរឿងនេះកើតឡើងនៅពេលអ្នកប្រើថ្នាំបំប៉នច្រើនជ្រុលប៉ុណ្ណោះ។ 

ញ៉ាំប្រូតេអ៊ីនតិចពេក

សក់ និងក្រចកត្រូវបានបង្កើតឡើងដោយប្រូតេអ៊ីន ដូច្នេះយកល្អគួរតែញ៉ាំប្រូតេអ៊ីនឲ្យបានច្រើន ព្រោះកាលណាញ៉ាំប្រូតេអ៊ិនតិច វាអាចបណ្តាលឲ្យសក់ស្តើង និងក្រចកពុកផុយបាន។ ដើម្បីទទួលបានប្រូតេអ៊ីនច្រើនមិនមែនមានតែសាច់ទេ តែពពួកសណ្តែក ប្រូខូលី និងម្ទេសប្លោកក៏សម្បូរដែរ។ 

ជាតិស័ង្គសីនិងដែកតិចពេក

ជាតិស័ង្គសី និងដែកត្រូវបានរកឃើញច្រើនក្នុងសាច់ក្រហម និងអាហារសមុទ្រមួយចំនួន ដែលវាមានសារៈសំខាន់សម្រាប់ការបង្កើតជាជាតិ Keratin របស់ក្រចក និងសក់។ 

គ្រឿងស្រវឹង

ការញ៉ាំគ្រឿងស្រវឹងច្រើនជ្រុលអាចមានគ្រោះថ្នាក់ដល់ក្រចកបាន។ វាគឺជាសារធាតុដែលជំរុញដល់ការនោម ដូច្នេះរាងកាយអាចនឹងខ្សោះជាតិទឹកខ្លាំងបាន។ ក្រចកដែលរឹងមាំ និងមានសុខភាពល្អបានលុះត្រាតែមានជាតិទឹកគ្រប់គ្រាន់។ 

ញ៉ាំអាហារសម្បូរជាតិ Biotin តិចពេក

បើសិនជារបបអាហារកង្វះសារធាតុ Biotin ដែលជាប្រភេទវីតាមីន B កំផ្លេចនោះ អ្នកអាចនឹងមានបញ្ហាសក់ស្តើង និងក្រចកពុកផុយបាន។ (អាន:ថ្នាំងងុយគេង ពេលអ្នកគួរប្រើ)អ្នកអាចបង្កើនការទទួលទានវីតាមីនមួយនេះពីការញ៉ាំថ្នាំបំប៉ន ឬអាហារដូចជា ស៊ុតផ្នែកកណ្តាល សណ្តែក និងគ្រាប់ផ្លែឈើ៕

Loading...