ស្ត្រីម្នាក់ដែលត្រូវបានប្រកាសថាស្លាប់ បន្ទាប់ពីជួបគ្រោះថ្នាក់ចរាចររថយន្តបុកគ្នា នៅប្រទេស អាហ្វ្រិកខាងត្បូង កាលពីពេលថ្មីៗនេះកំពុងមានស្ថានភាពធូរស្រាលហើយក្នុងមន្ទីរពេទ្យ បន្ទាប់ពីគេប្រទះឃើញនៅមានជីវិតរស់ក្នុងទូក្លាស្សេសាកសព។
ស្ត្រីដែលគេមិនបញ្ចេញឈ្មោះរូបនេះ ត្រូវបានគេដឹកទៅកន្លែងរក្សាទុកសាកសពក្នុងក្រុង កាឡេតុនវីល(Carletonville)ខេត្តហ្គូតេង(Gauteng)បន្ទាប់ពី “គ្មានសញ្ញានៅរស់” បន្ទាប់ពីជួបគ្រោះថ្នាក់ចរាចរណ៍រថយន្តបុកគ្នា។
ប៉ុន្ដែនៅពេលបុគ្គលិកម្នាក់នៅកន្លែងរក្សាទុកសាកសពខាងលើ ទៅពិនិត្យមើលសាកសពក្នុង ទូក្លាស្សេនោះ ស្រាប់តែគាត់សង្កេតឃើញថា ស្ត្រីរូបនោះមានដង្ហើមដកនៅឡើយ ក៏បង្កការ ភ្ញាក់ផ្អើលតែម្តង។
យោងតាមសារព័ត៌មានក្នុងស្រុកបានចុះផ្សាយថា ក្រោយពីពិនិត្យឃើញដូច្នោះស្ត្រីរងគ្រោះក៏ត្រូវបាន បញ្ជូនទៅកាន់មន្ទីរពេទ្យភ្លាមៗដើម្បីសង្គ្រោះបន្ទាន់ ហើយពេលនេះគាត់កំពុងធូរស្រាលហើយ។
ក្រោយរឿងនេះបានធ្លាយបង្កការភ្ញាក់ផ្អើល សមត្ថកិច្ចបានបើកការស៊ើបអង្កេតជុំវិញកំហុសធ្វេស ប្រហែសដែលប្រកាសថាស្ត្រីរូបនេះស្លាប់៕
ប្រភព៖ rasmeinews.com