នារីម្នាក់បានស្លាប់យ៉ាងអាណោចអាធម បន្ទាប់ពីដួលលើកែវស្រាដែលនាងកាន់ក្នុងដៃ ខណៈនាង អបអរជ័យជម្នះរបស់ក្រុមប្រេស៊ីល លើក្រុមស៊ែប នៅ World Cup ក្នុងប្រទេសរុស្ស៊ី នេះបើ យោងតាមគេហទំព័រម៉េលអនឡាញ ចុះផ្សាយកាលពីថ្ងៃទី២៩ ខែមិថុនា។
ជនរងគ្រោះឈ្មោះ តាមរ៉ា ម៉ៃអូជី (Tamra Maiochi) បានជួបឧបទ្ទវហេតុមិនសមទំនងនេះ នៅពេលអាជ្ញាកណ្តាលផ្លុំកញ្ចែបញ្ចប់ការប្រកួតកាលពីថ្ងៃពុធ ទី២៧ ខែមិថុនា។
នៅថ្ងៃកើតហេតុ នារីវ័យ ៣០ ឆ្នាំរូបនេះបានមើលការប្រកួតដ៏សំខាន់នេះជាមួយមិត្តភក្តិនៅផ្ទះ មួយក្នុងទីក្រុងអ៊ីតាទីបា (Itatiba) រដ្ឋសៅប៉ូឡូ (Sao Paulo) ប្រទេសប្រេស៊ីល ភាគអាគ្នេយ៍។
យោងតាមប៉ូលិសបានឱ្យដឹងថា ស្ត្រីរងគ្រោះបានអង្គុយលើសាឡុងដោយដៃម្ខាងកាន់ទូរស័ព្ទដៃ ហើយដៃម្ខាងទៀតកាន់កែវស្រា។
ប៉ុន្តែនៅពេលនាងក្រោកឈរដើម្បីអបអរក្រុមប្រេស៊ីល នាងក៏អិលដួល ហើយក៏របូតកែវស្រាពីដៃ។ កែវបានបែកខ្ចាយ ហើយនាងបានដួលលើអម្បែងកែវបណ្តាលឱ្យអម្បែងបុកទម្លុះករបស់នាងដៃ សរសៃឈាម ហើយនាងក៏បាត់បង់ជីវិតដោយសារឈាមហូរច្រើនពេក៕
ប្រភព៖ rasmeinews.com