កូនក្រមុំឥណ្ឌាម្នាក់បានបង្កឱ្យមានការវ៉ៃតប់គ្នាយ៉ាងរញ៉េរញ៉ៃ នៅពេលនាងសម្រេចចិត្តលុបចោល មង្គលការរបស់ខ្លួននឹកស្មានមិនដល់បន្ទាប់ពីកូនកំលោះភ័យញ័រទទ្រើកដោយសាររន្ទះដែលបានបាញ់នៅវាលស្រែក្បែររោងការក្នុងភូមិជីត្រាសេនពួ (Chitrasenpur) រដ្ឋប៊ីហា (Bihar) ប្រទេសឥណ្ឌា។
ហេតុការណ៍វ៉ៃតប់គ្នានេះបានផ្ទុះឡើង ដោយសារសាច់ញាតិរបស់កូនកំលោះទប់កំហឹងមិនបាន ពីព្រោះពិធីក្រាបសំពះផ្ទឹមត្រូវបានបព្វជិតធ្វើរួចហើយតែបែរជាកូនក្រមុំលុបចោលមង្គលការ កណ្តាលរោងទាំងបែបនេះ។
ប៉ូលិសរដ្ឋប៊ីហា និយាយថា កូនក្រមុំបានដើរចេញពីមង្គលការកាលពីថ្ងៃសុក្រ ទី២៩ ខែមិថុនា ដោយសារ “អាកប្បកិរិយាខុសប្រក្រតី” របស់កូនកំលោះ បន្ទាប់ពីរន្ទះបាញ់។
អ្នកនាំពាក្យប៉ូលិសបានបញ្ជាក់ថា “បន្ទាប់ពីរន្ទះបាញ់ កូនកំលោះបានបញ្ចេញអាការៈប្លែកៗ ហាក់ដូចភ័យខ្លាចយ៉ាងខ្លាំង”៕
ប្រភព៖ rasmeinews.com
