គន្លឹះ ៥យ៉ាងក្នុងការជួយគ្រប់គ្រងការលើសសម្ពាធឈាមបែបជំនាញ

ការដែលមានការប្តេជ្ញាចិត្តមានគម្រោងបញ្ចុះសម្ពាធឈាមដែលខ្ពស់រួចនោះអាចធ្វើឲ្យយើងមានអារម្មណ៍មិនសូវល្អបាន។ ដូច្នេះហើយ ខាងក្រោមនេះ ខ្ញុំសូមបង្ហាញនូវគន្លឹះខ្លះៗដើម្បីជួយឲ្យដំណើរការណ៍បញ្ចុះសម្ពាធឈាមកាន់តែមានភាពងាយស្រួលជាងមុន។

ពិគ្រោះជាមួយគ្រូពេទ្យ

ការបង្កើតនូវគម្រោងផ្លាស់ប្តូររបៀបរស់នៅអាចជារឿងមួយលំបាក ប៉ុន្តែគ្រូពេទ្យអាចជួយបង្កើតគម្រោងនេះដល់អ្នកបានដើម្បីធ្វើការគ្រប់គ្រងសម្ពាធឈាមកាន់តែស្រួល។ ចូរពិគ្រោះជាមួយគ្រូពេទ្យដើម្បីបង្កើតនូវការហាត់ប្រាណ របបអាហារ និងគម្រោងប្រើប្រាស់ថ្នាំដែលត្រឹមត្រូវសម្រាប់អ្នក។ 

លេបថ្នាំឲ្យបានត្រឹមត្រូវ

ចូរលេបថ្នាំឲ្យបានត្រឹមត្រូវទោះបីជាវាតម្រូវឲ្យលេបថ្នាំរាល់ថ្ងៃអស់មួយជីវិតក៏ដោយ។ ចូរពិគ្រោះជាមួយគ្រូពេទ្យបន្ថែមបើសិនជាអ្នកកំពុងតែព្យាបាលបែបធម្មជាតិ ឬលេបថ្នាំដោយមិនមានវេជ្ជបញ្ជា ព្រោះវាប្រហែលជារំខានដល់ថ្នាំដែលអ្នកត្រូវលេបដែលគ្រូពេទ្យណែនាំ។

រីករាយនឹងសកម្មភាពរាងកាយទៀងទាត់

ចូរស្វែងរកអ្វីមួយដែលអ្នករីករាយនឹងធ្វើដើម្បីឲ្យជីវិតមានន័យ។ ចូរធ្វើវាទាំងអស់ជារៀងរាល់សប្តាហ៍ជាមួយនឹងការហាត់ប្រាណ និងជួយដល់បេះដូង ហើយចូរធ្វើបែបនេះក្នុងកម្រិតមធ្យមរយៈពេល ៤០នាទី និងចំនួន ៣ ទៅ ៤ដងក្នុងមួយសប្តាហ៍។ 

ញ៉ាំអាហារមានតុល្យភាព និងមិនត្រូវញ៉ាំអាហារប្រៃពេកឡើយ

ចូរញ៉ាំបន្លែ ផ្លែឈើ គ្រាប់ធញ្ញជាតិ អាហារធ្វើពីទឹកដោះគោ សាច់បក្សីគ្មានស្បែក និងត្រីឲ្យបានច្រើន។ ប៉ុន្តែត្រូវកាត់បន្ថយការញ៉ាំសាច់កៃឆ្នៃ និងប្រភេទខ្លាញ់ Saturated fat, Trans fat, សាច់ក្រហម ភេសជ្ជមានជាតិផ្អែម ឬស្ករសិប្បនិមិត្ត។ ចូរតមអាហារមានជាតិប្រៃ និងមានជាតិសូដ្យូមខ្ពស់ផង។ 

កាត់បន្ថយគ្រឿងស្រវឹង

គ្រឿងស្រវឹងនឹងបង្កើនសម្ពាធឈាម។ ដូច្នេះយកល្អសម្រាប់ស្រ្តីអាចញ៉ាំគ្រឿងស្រវឹងត្រឹមមួយកំប៉ុង និងបុរសបានពីកំប៉ុងក្នុងមួយថ្ងៃបានហើយ៕