កូឡាជែន គឺជាប្រូតេអ៊ីនមួយប្រភេទដែលស្បែកត្រូវការដើម្បីរក្សាភាពរលោង និងទន់របស់វា។ នៅពេលស្ថិតក្នុងភាពវ័យក្មេង រាងកាយនឹងផលិតប្រូតេអ៊ីនប្រភេទនេះយ៉ាងច្រើនដូច្នេះអ្នកនឹងមានភាពស្រស់ស្អាតលើស្បែកខ្លាំង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែរឿងនេះអាចនឹងប្រែប្រួលវិញនៅពេលអាយុកាន់តែច្រើន ដោយសារតែរាងកាយចាប់ផ្តើមមានការខូចខាត ដូច្នេះចំនួននៃការផលិតកូឡាជែនក៏ចុះទាបដែរ។ ដូច្នេះអ្នកនឹងប្រឈមខ្លាំងនឹងភាពជ្រីវជ្រួញ និងផ្នតៗនៅស្បែក។ ដូច្នេះដើម្បីបង្កើនចំនួនកូឡាជែនក្នុងខ្លួនឡើងវិញកាន់តែច្រើន យកល្អគួរតែជ្រើសរើសការញ៉ាំអាហារខាងក្រោមនេះឲ្យបានច្រើន៖

ស៊ុបឆ្អឹង

ស៊ុបឆ្អឹងគឺជាមធ្យោបាយដ៏ល្អមួយក្នុងការជំរុញដល់ការផលិតកូឡាជែន ដោយសារតែវាត្រូវបានគេដឹងថាផ្ទុកជាតិកូឡាជែនច្រើន ហើយក៏ជំរុញដល់ភាពយឺតរបស់ស្បែកថែមទៀត។ រឿងនេះមិនត្រឹមតែជួយផ្តល់ភាពកក់ក្តៅដល់ក្រពះទេ តែក៏ទទួលបានជីវជាតិសំខាន់ៗសម្រាប់សុខភាពទូទៅផងដែរ។ 

ត្រី

ការញ៉ាំត្រីប្រហែលជាជួយផ្តល់នូវតម្រូវការអូមេហ្គាពី ប៉ុន្តែវាក៏មានកូឡាជែនផងដែរ ដែលស្ថិតនៅឆ្អឹង និងសរសៃចងឆ្អឹងរបស់ត្រីដែរ។ ថ្វីបើសាច់ត្រីមានកូឡាជែនខ្លះក៏ដោយ តែអ្វីដែលល្អនោះគឺមានក្នុងត្រីសមុទ្រតែម្តង។ 

បន្លែពណ៌បៃតងចាស់

អាហារផ្សេងមួយទៀតដែលអ្នកគួរបន្ថែមក្នុងរបបអាហារដើម្បីបង្កើនការផលិតកូឡាជែនគឺបន្លែពណ៌បៃតងចាស់។ ស្ពៃស្ពីណាចគឺជាឧទាហរណ៍ដ៏ល្អមួយដែលត្រូវគិតគូរដោយសារតែវាសម្បូរវីតាមីន C ហើយក៏ជួយបង្កើនការផលិតកូឡាជែនក្នុងខ្លួនផង។ អ្នកអាចញ៉ាំធម្មតា ឬបង់ក្នុងស៊ុបញ៉ាំក៏បាន។ 

ផ្លែឈើជូរៗ

ផ្លែឈើប្រភេទនេះត្រូវបានគេដឹងថាសម្បូរទៅដោយវីតាមីន C ដែលអាចបង្កើនការផលិតកូឡាជែនបាន។ អ្នកអាចជម្រើសរើសប្រភពដូចជា ក្រូច ឬក្រូចឆ្មា ព្រោះមានវីតាមីន C ខ្ពស់។ អ្នកអាចញ៉ាំវាទាំងឆៅ ឬលាយជាមួយសាឡាត់បាន។ 

តែស

ការញ៉ាំតែសត្រូវបានគេរកឃើញថា មានប្រសិទ្ធភាពក្នុងការការពារប្រូតេអ៊ីនកូឡាជែនក្នុងរាងកាយ។ វាត្រីវបានគេរកឃើញទៀតថា សារធាតុ Polyphenols ដែលមានក្នុងតែសអាចជួយបង្ការអង់ហ្ស៊ីមក្នុងខ្លួនកុំឲ្យបំបែកកូឡាជែននៅពេលចាស់ទៅតាមអាយុ។ ដូច្នេះយកល្អគួរតែជ្រើសរើសតែប្រភេទនេះជំនួសការញ៉ាំកាហ្វេវិញទៅ។

ខ្ទឹមស

ខ្ទឹមសប្រហែលជាងាយស្រួលរកណាស់ក្នុងផ្ទះបាយ ដោយសារវាជាគ្រឿងផ្សំដែលត្រូវការជាចំបាច់សម្រាប់ធ្វើម្ហូបស្ទើរតែគ្រប់មុខ។ ប៉ុន្តែតើអ្នកមានដឹងទែថា ខ្ទឹមប្រភេទនេះក៏ជួយដល់ការផលិតកូឡាជែណមនុស្សយើងផងដែរ។(អាន:ថ្នាំងងុយគេង ពេលអ្នកគួរប្រើ) ខ្ទឹមសផ្ទុកទៅដោយសារធាតុ Sulfur ដែលអាចជួយបញ្ឈប់ការបំបែកកូឡាជែនក្នុងខ្លួនបាន។ ពិតណាស់ អ្នកគ្រាន់តែត្រូវការញ៉ាំខ្ទឹមសឲ្យបានច្រើនទៅនោះនឹងជួយដល់ការផលិតរបស់កូឡាជែនហើយ៕

Loading...