Join with Health.com.kh on Telegram

វាគឺជារឿងធម្មជាតិស្រាប់ហើយដែលរូបរាងសុដន់នឹងបាត់បង់ភាពយឺតរបស់វា ព្រមទាំងយៀធ្លាក់ទៅតាមភាពចាស់របស់អាយុ។ រឿងនេះក៏កើតឡើងជាញឹកញាប់ដែរ ដែលគ្រប់គ្រាន់សម្រាប់ស្រ្តីមួយចំនួនមិនពេញចិត្តឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បញ្ហាសុដន់គឺជារឿងញឹកញាប់មួយដែលធ្វើឲ្យស្រ្តីត្រូវការព្យាបាលដោយវះកាត់ ប៉ុន្តែមិនមែនគ្រប់គ្នាសុទ្ធតែចូលចិត្តឆ្លងកាត់មុខកាំបិតទេ។ យ៉ាងណាមិញ មានមូលហេតុមួយចំនួនដែលធ្វើឲ្យស្រ្តីងាយនឹងមានបញ្ហាយៀសុដន់ណាស់ដូចជា៖

  • ភាពចាស់ទៅតាមអាយុ
  • ស្រកទម្ងន់ខ្លាំងពេក
  • របបអាហារ និងរបៀបរស់នៅ៖ ញ៉ាំគ្រឿងស្រវឹង ជក់បារី និងភេសជ្ជៈមានជាតិហ្គាសច្រើន
  • មានជំងឺ៖ មហារីកសុដន់ ជំងឺផ្លូវដង្ហើមដូចជា របេង ជាដើម

ខាងក្រោមនេះគឺជាវិធីសាស្រ្តធម្មជាតិដែលអាចជួយដោះស្រាយបញ្ហាសុដន់យៀធ្លាក់បាន៖

លំហាត់ប្រាណសុដន់

មធ្យោបាយដ៏ល្អបំផុតមួយដើម្បីបង្កើនភាពរឹងមាំដល់សុដន់នោះគឺលំហាត់ប្រាណពង្រឹងសាច់ដុំទ្រូង។ វិធីដែលល្អបំផុតគឺការអាវ៉ង់តែម្តង។ រឿងនេះនឹងជួយផ្តល់រាងយ៉ាងស្អាតដល់សុដន់ និងបន្ថយភាពកកកុញខ្លាញ់ច្រើននៅជុំវិញសុដន់បាន។ 

ម៉ាស្សា

ចូរម៉ាស្សាសុដន់យ៉ាងហោចណាស់ ២ ទៅ៣ដងក្នុងមួយថ្ងៃដោយការប្រើប្រេងអូលីវ។ រឿងនេះនឹងជួយបន្ថែមភាពរឹងមាំដល់ស្បែក ព្រមទាំងពង្រឹងដល់លក្ខណៈ និងកម្លាំងរបស់ស្បែកផង។ ជាមួយគ្នានេះដែរ វានឹងជួយបង្កើនភាពយឺតរបស់ស្បែគ និងកម្លាំងរបស់សាច់ដុំទ្រូង។ ការម៉ាស្សានឹងបង្កើនលំហូរឈាមទៅស្បែក និងភ្ញោចដល់ការជួសជុលកោសិកាដែលខូចៗ លូតលាស់សាច់ដុំ និងសកម្មភាពមានប្រយោជន៍ផ្សេងៗទៀតដែលអាចបន្ថយភាពធ្ងន់ធ្ងរ និងលក្ខណៈយៀបាន។ 

ជីវជាតិ និងរបបអាហារ

ចូរព្យាយាមញ៉ាំអាហារផ្តល់សុខភាព និងតុល្យភាពដើម្បីទទួលបានជីវជាតិចិញ្ចឹមស្បែក ដូច្នេះវានឹងមានភាពរឹងមាំ សុខភាពល្អ និងមិនងាយមានបញ្ហា។ ជាមួយគ្នានេះដែរ យកល្អគួរតែថែរក្សាទម្ងន់ឲ្យមានសុខភាពល្អផង។ ការដែលធាត់ជ្រុលនឹងដាក់សម្ពាធទៅលើជាលិកាស្បែក និងបន្ថែមទម្ងន់ទៅលើសុដន់ រហូតដល់ធ្វើឲ្យយៀធ្លាក់បាន។ ចូរបន្ថែមរបបអាហារផ្តល់សុខភាព និងរបៀបរស់នៅដែលផ្តល់សុខភាពឲ្យបានច្រើន ជាពិសេស ឈប់ជក់បារីតែម្តង។ អ្វីដែលសំខាន់បំផុតនោះ ចូរប្រាកដថា អ្នកញ៉ាំទឹកបានគ្រប់គ្រាន់ ព្រោះទឹកជាអ្នកផ្តល់ថាមពល់ដល់រាងកាយ ហើយក៏រក្សាភាពរឹងមាំដល់ស្បែក និងជាលិកាសុដន់ទាំងមូលដែរ។ 

ជំហររាងកាយ

ជំហរដែលមិនល្អដូចជា កោងខ្នង អាចធ្វើឲ្យសុដន់ងាយនឹងយៀធ្លាក់ណាស់ ហើយក៏ដាក់សម្ពាធកាន់តែខ្លាំងទៅលើជាលិកាសុដន់ថែមទៀតផង។ ខណៈពេលជំហររាងកាយល្អ វានឹងជួយបង្រៀនអ្នកនូវជំហរដែលមានលក្ខណៈវិជ្ជមាន ព្រមទាំងបន្ថយការដាក់សម្ពាធលើសាច់ដុំ និងភាពយៀធ្លាក់របស់សុដន់ផងដែរ។ ដូច្នេះចូរធ្វើយ៉ាងណារក្សារាងកាយឲ្យនៅត្រង់។ 

ហាត់យូហ្គា

អត្ថប្រយោជន៍នៃការហាត់យូហ្គា គឺជំរុញដល់ភាពបត់បែនរបស់រាងកាយ និងកម្លាំងរបស់រាងកាយ។ កម្លាំងខ្លះអាចកើតឡើងនៅលើសុដន់ដែរ អាស្រ័យទោតាមជំហររាងកាយដែលអ្នកហាត់នោះ។ ស្តាយហាត់យូហ្គាខុសៗគ្នាគឺផ្តោតសំខាន់ទៅលើផ្នែកខុសៗគ្នៃនៃរាងកាយដែរ។(អាន:ថ្នាំងងុយគេង ពេលអ្នកគួរប្រើ) ដូច្នេះចូរផ្តោតសំខាន់ទៅលើលំហាត់យូហ្គាណាដែលបង្កើនកម្លាំងដល់សុដន់៕