ទោះបីជាស្គាល់និងឧស្សាហ៍ទទួលទានផ្លែស៊ូយ៉ាងណាក៏ដោយ ក៏ភាគច្រើននៃពួកយើងមិនធ្លាប់ចាប់អារម្មណ៍អំពីអត្ថប្រយោជន៍នៃបន្លែនេះចំពោះសុខភាពទប់ស្កាត់ជំងឺឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើការទទួលទានផ្លែស៊ូប្រសើរដូចម្ដេចខ្លះទៅ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍ដ៏អស្ចារ្យនៃផ្លែស៊ូ ៖
១. ប្រភពដ៏ប្រសើរនៃវីតាមីន C និងសារធាតុ folate
ផ្លែស៊ូមានផ្ទុកសម្បូរទៅដោយវីតាមីន C ដែលជួយទប់ស្កាត់ហានិភ័យនៃជំងឺមហារីក និងសារធាតុ folate ចាំបាច់សម្រាប់ទាំងស្ត្រីមានផ្ទៃពោះ ក៏ដូចជាទារកក្នុងផ្ទៃ។
២. ជាតិសសៃខ្ពស់
របបអាហារមានផ្ទុកជាតិសសៃខ្ពស់ជួយក្នុងការព្យាបាលបញ្ហាទល់លាមកនិងល្អសម្រាប់ចលនាពោះវៀន។ ការទទួលទានផ្លែស៊ូ គឺជាវិធីដ៏ប្រសើរបំផុតមួយដើម្បីទប់ស្កាត់ព្យាបាលបញ្ហាពោះវៀននិងទល់លាមក។
៣. ផ្ទុកកាឡូរីទាប
ផ្លែស៊ូមានផ្ទុកកាឡូរីទាបបំផុតដែលធ្វើឱ្យវាក្លាយជាជម្រើសនៃអាហារដ៏ប្រសើរសម្រាប់អ្នកចង់ស្រកទម្ងន់។
៤. គ្រប់គ្រងកម្រិតនៃជាតិស្ករក្នុងឈាម
នោះក៏ព្រោះតែផ្លែស៊ូមានផ្ទុកកាឡូរីទាប ប៉ុន្តែជាតិសសៃខ្ពស់ដែលជួយគ្រប់គ្រងកម្រិតជាតិស្ករក្នុងឈាមបានយ៉ាងប្រសើរ។
៥. ទប់ស្កាត់ហានិភ័យនៃបញ្ហាបេះដូង
ក្រៅពីជាប្រភពដ៏ប្រសើរនៃជាតិសសៃហើយនោះ ផ្លែស៊ូក៏មានផ្ទុកសារធាតុ Myricetin ដែលជួយបញ្ចុះកូឡេស្តេរ៉ូលមិនល្អទប់ស្កាត់ហានិភ័យនៃជំងឺបេះដូងគួរឱ្យកត់សម្គាល់។
៦. ល្អសម្រាប់ស្ត្រីមានផ្ទៃពោះ
ផ្លែស៊ូក៏ជាប្រភពដ៏ល្អបំផុតមួយនៃ Folate ឬវីតាមីន B9 ដែលចាំបាច់ណាស់សម្រាប់ស្ត្រីមានផ្ទៃពោះនិងស្ត្រីដែលចង់មានផ្ទៃពោះ៕