ទាក់ទងនឹងចម្ងល់មួយនេះដែរ វាមិនដូចគ្នានឹងជំនឿដែលមិនត្រឹមត្រូវនិយាយថា ជំងឺរបេងមិនឆ្លងតាមរយៈការប៉ះពាល់ខ្លូវភេទ និងមិនមែនជាជំងឺកាមរោគនោះទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាមួយគ្នានេះដែរ បាក់តេរីចម្លងជំងឺរបេងមិនឆ្លងតាមរយៈការថើបមាត់ ឬប៉ះពាល់ស្បែកឡើយ។ តាមពិតទៅ អ្នកខ្លះក៏គិតថា ជំងឺរបេងអាចឆ្លងតាមរយៈអាហារ និងទឹក ប៉ុន្តែវាមិនអញ្ចឹងឡើយ។ លើសពីនេះទៅទៀត ជំងឺរបេងមិនឆ្លងតាមរយៈការប៉ះពាល់របស់របរដូចជា ចានបង្គន់ ឬប្រើច្រាសដុសធ្មេញរួមគ្នាឡើយ។ ប៉ុន្តែបើសិនជាអ្នកនៅតែបារម្ភទៀត យកល្អគួរតែទៅជួបគ្រូពេទ្យដើម្បីធ្វើតេស្តរកជំងឺនេះទៅ។
ជំងឺរបេងគឺជាជំងឺមួយប្រភេទដែលបង្កឡើងដោយបាក់តេរីឈ្មោះថា Mycobacterium Tuberculosis។ បាក់តេរីមួយនេះច្រើនតែប៉ះពាល់ទៅលើសួត ប៉ុន្តែក៏ប៉ះពាល់លើខួរក្បាល សន្លាក់ និងសរីរាង្គផ្សេងៗទៀតដែរ។ ជំងឺរបេងគឺជាជំងឺដែលឆ្លងតាមរយៈខ្យល់អាកាស ដូច្នេះអាចឆ្លងបានបើសិនជាមនុស្សម្នាក់ដកដង្ហើមស្រូបយកបាក់តេរីបង្ករោគរបេងដែលហោះហើរនៅកន្លែងនោះ។ យ៉ាងណាមិញ វាទាល់តែមានការទំនាក់ទំនងជិតស្និទ្ធមួយជាមួយអ្នកជំងឺរបេងដែរ ទើបឆ្លង។ អ្នកទំនងជាងាយកើតជំងឺរបេងបើសិនជាកំពុងតែរស់នៅជាមួយគ្នា ជាពិសេសអ្នកជំងឺនោះមិនទទួលបាននូវការព្យាបាល។
អ្នកដែលប្រឈមខ្ពស់នឹងការបង្ករោគរបេងនេះមានដូចជា ទារកទើបនឹងកើត និងក្មេងអាយុក្រោម៤ឆ្នាំ ព្រោះតែពួកគេមានប្រព័ន្ធភាពស៊ាំចុះខ្សោយ ព្រមទាំងមនុស្សចាស់ដែលមានប្រព័ន្ធភាពស៊ាំចុះខ្សោយដែរ។ បើសិនជាអ្នកកំពុងតែមានជំងឺអេដស៍ ឬធញលាប់មានជំងឺផ្សេងៗ ឬជំងឺទឹកនោម ឬខ្សោយតម្រងនោមរ៉ាំរ៉ៃពីមុនមក នោះក៏ប្រឈមខ្ពស់នឹងជំងឺរបេងដែរ។(អាន:ថ្នាំងងុយគេង ពេលអ្នកគួរប្រើ) ដូច្នេះបើសិនជាអ្នកប៉ះពាល់ជាមួយអ្នកដែលមានជំងឺរបេង ហើយធ្លាប់មានរោគសញ្ញារបស់វា យកល្អគួរតែធ្វើតេស្តមើលទៅ៕
