គួរអាន! ស្បែកត្រង់កឡើងខ្មៅមែនទេ? សាកល្បងរូបមន្តធម្មជាតិទាំងនេះ

មនុស្សមានចំនួនមានបញ្ហាស្បែកត្រង់កឡើងខ្មៅគួរឱ្យរំខានប៉ះពាល់ដល់ភាពទាក់ទាញរបស់ពួកគេ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការត្រូវពន្លឺព្រះអាទិត្យនិងភាពចាស់តាមវ័យនៃស្បែកជាកត្តាចម្បងបំផុតនៃបញ្ហាស្បែកត្រង់កឡើងខ្មៅ។ ទោះជាយ៉ាងណាហ្សែន ជំងឺទឹកនោមផ្អែម កង្វះអនាម័យខ្លួនប្រាណ ការកើនឡើង ឬស្រកចុះភ្លាមៗនៃទម្ងន់ក៏ជាមូលហេតុនៃបញ្ហាផងដែរ។ ប៉ុន្តែកុំបារម្ភ! ខាងក្រោមវេបសាយសុខភាព  Health.com.kh នឹងបង្ហាញឲ្យដឹងពីរូបមន្តបែបធម្មជាតិបំបាត់ស្បែកខ្មៅត្រងក ៖

១. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកធម្មតា ៤ ស្លាបព្រាបាយជាមួយទឹកខ្មេះផ្លែប៉ោម ២ ស្លាបព្រាបាយឱ្យសព្វចូលគ្នា។ បន្ទាប់មកប្រើប្រាស់សំឡីមួយដុំជ្រលក់លាបទឹកល្បាយលើស្បែកកដែលខ្មៅ។ ទុកចោលសម្រាប់រយៈពេល ១០ នាទី សឹមលាងសម្អាតចេញជាមួយទឹកធម្មតាជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត។ កុំភ្លេចប្រើប្រាស់ផលិតផលផ្ដល់សំណើមដល់ស្បែកក្រោយអនុវត្តរូបមន្តនេះក៏ព្រោះទឹកខ្មេះផ្លែប៉ោមអាចធ្វើឱ្យស្បែកស្ងួតបន្តិច។

២. ម្ស៉ៅ Baking Soda

អ្វីដែលអ្នកត្រូវធ្វើ គឺគ្រាន់តែលាយម្ស៉ៅ Baking Soda ជាមួយទឹកធម្មតារហូតក្លាយជាល្បាយខាប់ៗ។ លាបល្បាយលើស្បែកកនិងទុកចោលសម្រាប់រយៈពេល ២០ នាទី ឬចាំរហូតដល់ស្ងួតទាំងស្រុង សឹមលាងសម្អាតចេញជាមួយទឹកត្រជាក់។ អនុវត្តឱ្យបានយ៉ាងហោចណាស់ ២ ដងក្នុងមួយសប្តាហ៍ជាប្រចាំសម្រាប់រយៈពេលពី ១ ទៅ ២ សប្តាហ៍។

៣. ត្រសក់

អ្វីដែលអ្នកត្រូវធ្វើ គឺគ្រាន់តែលាបទឹកត្រសក់ស្រស់ ឬសាច់ត្រសក់ដែលកិនម៉ដ្ឋលើស្បែកកដែលខ្មៅ ហើយដុសខាត់សម្រាប់រយៈពេលប្រហែល ១០ នាទី សឹមលាងសម្អាតចេញជាមួយទឹកត្រជាក់។ អ្នកក៏អាចលាយទឹកត្រសក់ស្រស់ជាមួយទឹកក្រូចឆ្មារក្នុងបរិមាណស្មើគ្នា រួចលាបទឹកល្បាយលើស្បែកកដោយប្រើប្រាស់ដុំសំឡី ហើយទុកចោលសម្រាប់រយៈពេល ១០ នាទី សឹមលាងសម្អាតចេញជាមួយទឹកត្រជាក់៕