ក្នុងប្រទេសអូស្ត្រាលី ស្ត្រីម្នាក់បានព្យាយាមឱ្យចំណីត្រីឆ្លាមចេញពីដៃរបស់នាង នៅពេលសត្វស៊ីសាច់ជាអាហារនេះបានចាប់ផ្តើមទាញនាងចូលក្នុងទឹក។
នៅក្នុងវីដេអូគេឃើញ ស្ត្រីនោះព្យាយាមឱ្យចំណីត្រីឆ្លាមចិញ្ចឹមមួយក្បាល ប៉ុន្តែសុខៗស្រាប់តែឆ្លាមខាំដៃនាងទាញចូលក្នុងទឹកតែម្តង។
យោងតាមស្ត្រីនោះបានឱ្យដឹងថា ត្រីឆ្លាមបានខាំទាំងម្រាមដៃនិងអាហារក្នុងដៃនាង។
វេបសាយ 7 News Perth បាកដកស្រង់សម្តីនាងដោយនិយាយថា “វាបានកើតឡើងរហ័សពេក។ អ្វីដែលខ្ញុំអាចផ្តោតអារម្មណ៍បាន គឺការពិតដែលថាម្រាមដៃរបស់ខ្ញុំបានដាច់បាត់ទៅហើយ។ ឆ្លាមបានខាំម្រាមដៃខ្ញុំ ហើយវាមានអារម្មណ៍ថា ម្រាមដៃបានដាច់ចេញពីឆ្អឹងទៅហើយ”។
ទោះយ៉ាងណា អ្វីៗមិនអាក្រក់ដូចនាងគិតទេ។ នាងនៅមានម្រាមដៃនៅឡើយទេ។ ក្រោយមក គ្រូពេទ្យបានរកឃើញថា ស្ត្រីរងគ្រោះបានបាក់ឆ្អឹងម្រាមដៃនិងរបួសសរសៃ៕
ប្រភព៖ rasmeinews.com