ចង់ឆាប់មានកូន ទាំងប្តីប្រពន្ធគួរព្យាយាមញ៉ាំអាហារទាំងនេះឲ្យបានច្រើន

មានការយល់ខុសញឹកញាប់មួយថា ការញ៉ាំអាហារខ្លះអាចជួយឲ្យយើងកាន់តែឆាប់មានផ្ទៃពោះបាន។ ថ្វីបើមានរឿងពិតមួយចំនួនទាក់ទងនឹងរឿងនេះក៏ដោយ ប៉ុន្តែទស្សនៈមួយនេះមិនត្រឹមត្រូវទាំងអស់ឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាគឺជាការពិតមួយត្រង់ថា របបអាហារទាំងអស់របស់យើងអាចជួយដល់លទ្ធភាពមានកូនបាន។ ហើយអ្នកស្រាវជ្រាវជាច្រើនក៏បានយល់ស្របថា ទម្ងន់របស់យើងក៏អាចមានឥទ្ធិពលមួយដែលប៉ះពាល់ដល់លទ្ធភាពមានកូនផងដែរ ជាពិសេសការធាត់ជ្រុល និងស្គមជ្រុលតែម្តង។ ថ្វីបើការផ្តោតសំខាន់តែលើអាហារតែមួយមុខមិនត្រូវបានគេណែនាំក៏ដោយ តែការញ៉ាំអាហារខាងក្រោមនេះប្រហែលជាអាចជួយជំរុញដល់សុខភាពប្រព័ន្ធប្រដាប់បន្តពូជបាន ដោយសារតែសម្បូរជីវជាតិដែលរាងកាយត្រូវការដើម្បីបង្កើនលទ្ធភាពអាចមានកូនបាន។ 

យ៉ាអួរមានជាតិខ្លាញ់ពេញលេញ

ផលិតផលធ្វើពីទឹកដោះគោដូចជា យ៉ាអួរមានជាតិខ្លាញ់ពេញលេញ ទឹកដោះគោស្រស់ ព្រមទាំងការ៉េមទៀតនោះគឺជាជម្រើសដ៏ល្អមួយក្នុងការសិក្សាបន្ថែម ហើយវាក៏ត្រូវបានគេរកឃើញថា ស្រ្តីដែលញ៉ាំផលិតផលទាំងនេះគឺមិនងាយមានបញ្ហានៃការជ្រុះអូវ៉ុលជាងស្រ្តីដែលមិនបានញ៉ាំលើយ។ ដូច្នេះការញ៉ាំអាហារប្រភេទនេះម្តងក្នុងមួយសប្តាហ៍អាចផ្តល់ផលល្អច្រើន។ 

ត្រីសាលម៉ុង

វិធីមួយផ្សេងទៀតដើម្បីបង្កើនលទ្ធភាពមានកូនដែរនោះគឺញ៉ាំត្រីសាលម៉ុង ដោយសារតែវាសម្បូរទៅដោយអាស៊ីតខ្លាញ់អូមេហ្គាបី ដែលជាតម្រូវការសម្រាប់ការផលិតអ័រម៉ូន។ អូមេហ្គាបីក៏ទ្រទ្រង់ដល់មុខងារខួរក្បាលកាន់តែល្ងជាងមុន និងជំរុញដល់ការមករដូវកាន់តែទៀងទាត់។ 

ប៉េងប៉ោះឆ្អិន

ប៉េងប៉ោះឆ្អិន និងទឹកប៉េងប៉ោះមានអង់ទីអុកស៊ីដង់មួយប្រភេទឈ្មោះថា Lycopene ដែលវាត្រូវបានគេរកឃើញថា ជំរុញដល់លទ្ធភាពឆាប់មានកូនរបស់បុរស។ ការសិក្សាបានបង្ហាញទៀតថា ឥទ្ធិពលវិជ្ជមានមួយទៅលើមនុស្សប្រុសនោះគឺ ការលេបថ្នាំបំប៉នប្រភេទ Lycopene អាចបង្កើនលទ្ធភាពនៃការមានផ្ទៃពោះក្រោយពីប្រើប្រាស់បានមួយឆ្នាំ។ 

ស្ពៃស្ពីណាច

ស្ពៃប្រភេទនេះត្រូវបានគេចាត់ទុកថាជាបន្លែពណ៌បៃតងចាស់ ហើយក៏ជាប្រភពដ៏ល្អបំផុតនៃវីតាមីន B9 និងដែក ដែលវាសំខាន់សម្រាប់វដ្តរដូវរបស់ស្រ្តី។ បើសិនជាអ្នកកំពុងតែព្យាយាមយកកូនមែន យកល្អគួរតែបង្កើនការទទួលទានអាហារសម្បូរជាតិដែក។ សម្រាប់ Folate វិញគឺសំខាន់ណាស់សម្រាប់អ្នកចង់បានកូន ហើយទោះបីជាមានផ្ទៃពោះហើយក៏ដោយក៏ត្រូវការវាបន្ថែមទៀតដែរ សម្រាប់ទ្រទ្រង់ដល់ការលូតលាស់ខួរក្បាលរបស់កូន បំពង់សរសៃប្រសាទ និងបេះដូង។ 

អយស្ទើ

អ្នកប្រហែលជាធ្លាប់ល្បីរួចហើយចំពោះការញ៉ាំអយស្ទើក្នុងការជួយបង្កើនលទ្ធភាពមានកូន។ ក្រៅពីជាតិដែក អ្នកនឹងទទួលបានជាតិសេឡេញ៉ូម វីតាមីន B12 ព្រមទាំងស័ង្គសីពីអាហារសមុទ្រមួយនេះ។ មធ្យោបាយដ៏ល្អបំផុតដើម្បីញ៉ាំអយស្ទើរទទួលបានប្រយោជន៍ច្រើនរបស់វាគឺ ញ៉ាំឆៅ ប៉ុន្តែមិនមែនក្រពះមនុស្សគ្រប់គ្នាសុទ្ធតែអាចទទួលយកបានឡើយ។ ប៉ុន្តែវានៅតែមានវិធីច្រើនទៀតក្នុងការញ៉ាំអយស្ទើ ទៅតាមការចូលចិត្តរបស់មនុស្សម្នាក់ៗ។

ផ្លែបឺរីពណ៌ខៀវ

ការញ៉ាំផ្លែឈើមានពណ៌ខ្លាំងដូចជា បឺរីពណ៌ខៀវ ទទឹម និងស្រ្តបឺរី មិនត្រឹមតែទទួលបានបានវីតាមីន C ខ្ពស់ទេ តែក៏សម្បូរជាតិសរសៃ និង Folate ខ្ពស់ផងដែរ។ (អាន:ថ្នាំងងុយគេង ពេលអ្នកគួរប្រើ)ផ្លែឈើទាំងនេះផ្ទុកទៅដោយអង់ទីអុកស៊ីដង់ដែលល្អចំពោះការមានកូនរបស់មនុស្សទាំងពីរភេទ។ អង់ទីអុកស៊ីដង់ត្រូវបានគេដឹងថា ជួយការពាររាងកាយពីការខូចខាតដោយរ៉ាឌីកាលសេរី ដូច្នេះអ្នកអាចបញ្ចូលវាក្នុងរបបអាហារបាន៕