Join with Health.com.kh on Telegram

ការកណ្តាស ហៀរសម្បោរ និងហៀរទឹកភ្នែក ដែលជាអាការៈរបស់ជំងឺផ្តាសាយ ហើយវាបានកើតឡើងលើមនុស្សពេញវ័យពី ២ ទៅ ៣ជារៀងរាល់ឆ្នាំ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាអកុសល ដោយសារតែមានវីរុសច្រើនជាង ២០០ប្រភេទខុសៗគ្នាបង្កជំងឺផ្តាសាយ ដូច្នេះថ្នាំផ្សះក៏មិនអាចជួយឲ្យជំងឺនេះធូស្រាលបានឡើយ។ យ៉ាងណាមិញ អ្នកស្រាវជ្រាវអាចស្វែងរកវិធីព្យាបាលជំងឺផ្តាសាយជា តាមរយៈវិធីព្យាបាលដោយខ្លួនបីប្រភេទខាងក្រោមនេះ៖

ញ៉ាំទឹកឲ្យបានគ្រប់គ្រាន់

ខណៈពេលដែលមានការតស៊ូមតិមួយចំនួនថា ការញ៉ាំទឹកបន្ថែមអាចជួយសម្រួលអាការៈជំងឺផ្តាសាយឬអត់នោះ តែរឿងមួយដែលច្បាស់ជាងគេ គឺអាចជួយការខ្សោះជាតិទឹកបាន។ រាងកាយរបស់មនុស្សយើងត្រូវការជាតិទឹកដើម្បីធ្វើការ និងពង្រាវស្លេស្ម។ បើសិនជាអ្នកមានអាការៈរបស់វាដូចជា ស្ងួតមាត់ ឬបបូរមាត់ ចូរញ៉ាំទឹកបន្ថែម។ 

របៀបអនុវត្ត៖

ការញ៉ាំទឹកបានគ្រប់គ្រាន់ វានឹងធ្វើឲ្យទឹកនោមប្រែទៅជាលឿងស្លេក ដូច្នេះអ្នកនឹងមិនខ្សោះជាតិទឹកទៀតទេ។ ការញ៉ាំស្ករបៀមហិរនឹងជួយសម្រួលដល់ការឈឺបំពង់ករបាន។

ញ៉ាំទឹកក្តៅឧណ្ហៗ (និងស៊ុបមាន់)

ស៊ុបមាន់ពិតជាអាចជួយបានច្រើននៅពេលមានជំងឺផ្តាសាយ។ ស៊ុបមាន់ មានសមត្ថភាពប្រឆាំងនឹងការរលាក ដែលអាចជួយពង្រឹងដល់លំហូរខ្យល់កាន់តែល្អក្នុងផ្លូវដង្ហើមតាមច្រមុះ ដែលធ្វើឲ្យការដកដង្ហើមក្នុងពេលមានជំងឺផ្តាសាយក៏កាន់តែស្រួលជាងមុនដែរ។ 

របៀបអនុវត្ត៖

ស៊ុបមាន់ដែលមានជាតិសូដ្យូមទាប និងមានគ្រឿងផ្សំផ្សេងៗទៀតដូចជា ការ៉ុត ឃឹនឆាយ និងខ្ទឹមបារាំងគឺជាឱសថទិព្វនៅពេលមានជំងឺផ្តាសាយ។ ដូច្នេះអ្នកអាចញ៉ាំវាជាទឹកស៊ុបក្តៅៗបាន។ ក្រៅពីនេះវាក៏អាចជួយសម្រួលការរមាស់ៗក្នុងបំពង់ករបានដែរ។

ញ៉ាំទឹកឃ្មុំមួយស្លាបព្រាបាយ

ទឹកឃ្មុំមួយស្លាបព្រាបាយអាចជួយបន្ថយការក្អកនៅពេលមានជំងឺផ្តាសាយបាន។ (អាន:ថ្នាំងងុយគេង ពេលអ្នកគួរប្រើ)អ្វីដែលល្អបំផុតនោះគឺថា វាអាចមានប្រសិទ្ធភាពយ៉ាងល្អចំពោះកុមារដែរ (តែមិនឲ្យប្រើលើកុមារដែលមានអាយុតិចជាង ១២ខែទេ)។ ការឲ្យកុមារញ៉ាំទឹកឃ្មុំនៅពេលគេងអាចជួយបន្ថយការក្អកនៅពេលយប់បាន៕