Join with Health.com.kh on Telegram

មានប្អូនស្រីម្នាក់បាន ផ្ញើរសារក្នុង Facebook មកកាន់ទំព័រ Facebook Page ខ្ញុំថា គាត់មានបញ្ហាឈឺចង្កេះខ្លាំងណាស់ក្នុងពេលមានផ្ទៃពោះ ជាពិសេសនៅពេលពោះគាត់កាន់តែធំ កាន់តែឈឺខ្លាំង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះហើយខ្ញុំក៏ឈ្លាតឱកាសនេះជួយដោះស្រាយបញ្ហាឲ្យគាត់ និងផ្តល់ជាចំណេះដឹងបន្ថែមដល់បងប្អូនខ្មែរយើងតែម្តងទៅ។ 

មានជម្រើសច្រើនណាស់ដែលអាចធ្វើបានដើម្បីព្យាបាលបញ្ហាឈឺខ្នង និងចង្កេះក្នុងពេលមានផ្ទៃពោះដោយមិនបាច់ប្រើថ្នាំ។ 

ស្អំទឹកកកឬទឹកក្តៅ

ទាំងរបស់ក្តៅ និងត្រជាក់អាចប្រើទៅតាមចំណង់ចំណូលចិត្តផ្ទាល់ខ្លួនបាន។ មូលហេតុដែលយើងប្រើប្រាស់របស់ទាំងពីរនេះគឺដើម្បីសម្រួលដល់អារម្មណ៍ឈឺចាប់។ ការចូលក្នុងបន្ទប់សូណា ឬស្ទីមរយៈពេលខ្លីក៏អាចជួយសម្រួលដល់ការឈឺខ្នងដែរ ប៉ុន្តែរឿងនេះត្រូវបានហាមប្រាមនៅពេលស្រ្តីឈានដល់ត្រីមាសចុងក្រោយនៃការមានផ្ទៃពោះ ព្រោះវាអាចប្រឈមខ្ពស់នឹងការសម្រួលមុនកំណត់។

ហាត់ប្រាណ

ការហាត់ប្រាណអាចជួយពង្រឹងដល់សាច់ដុំខ្នងបាន។ ការហាត់ប្រាណមួយចំនួនអាចជាការលើករបស់ដែលតិចជាង ៥គីឡូក្រាមដែរ។ ស្រ្តីមានផ្ទៃពោះច្រើនតែត្រូវបានណែនាំឲ្យពិគ្រោះជាមួយអ្នកជំនាញខាងធ្វើចលនា ឬហាត់ប្រាណមុនពេលធ្វើការហាត់ប្រាណគ្រប់ប្រភេទ។ 

ប្រការដែលត្រូវចៀសវាង

អ្វីដែលសំខាន់ដែរនោះគឺថា គួរតែចៀសវាងការអោនក្បាលទាបជាងចង្កេះ។ អ្នកគួរតែចៀសវាងការឈរយូរ ឬអង្គុយយូរ។ កុំពាក់ស្បែកជើងកែងខ្ពស់ និងគេងផ្តា។ ចូរព្យាយាមគេងចំហៀងដោយជង្គត់ច្បត់។

ពាក់ខ្សែក្រវ៉ាត់ស្រ្តីមានផ្ទៃពោះ

ស្រ្តីមានផ្ទៃពោះមួយចំនួនប្រហែលជាយល់ថារបស់មួយនេះមានប្រយោជន៍ណាស់សម្រាប់ពួកគេ។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ ខ្សែក្រវ៉ាត់បែបនេះច្រើនតែត្រូវបានប្រើប្រាស់ចំពោះស្រ្តីមានផ្ទៃពោះក្នុងត្រីមាសទី២ និងទីបីតែម្តង៕