រាងកាយរបស់យើងតែងតែប៉ះពាល់នឹងជាតិពុលជាច្រើនជាប់ ហើយវាក៏មិនមែនជារឿងភ្ញាក់ផ្អើលដែរ ដែលត្រូវប្រឈមនឹងការឈឺចាប់ ការរលាក ព្រមទាំងជំងឺជាច្រើនដែរនោះ។ ហេតុដូច្នេះហើយទើបជាការច្រោះជាតិពុលពីក្នុងខ្លួនគឺជារឿងសំខាន់ និងរក្សាសុខភាពទូទៅបានល្អផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ថ្លើមគឺជាសរីរាង្គមួយដែលទទួលខុសត្រូវទៅលើការបញ្ចេញជាតិពុលពីក្នុងខ្លួន តែវាក៏ងាយនឹងខូចខាតបានដែរបើសិនជាមានជាតិពុលច្រើនពេកលើសពីសមត្ថភាពដែលវាអាចធ្វើបាន។ ដូច្នេះតើអ្នកនឹងអាចធ្វើដូចម្តេចទៅដើម្បីភ្ញោចដល់ថ្លើមធ្វើការងាររបស់វាកាន់តែល្អទៅ? ខាងក្រោមនេះ ខ្ញុំសូមណែនាំអាហារមួយចំនួនដែលអាចជួយដល់ការងារមួយនេះបានយ៉ាងមានប្រសិទ្ធភាព៖
ផ្លែឈើជូរៗ
ការញ៉ាំផ្លែឈើជូរៗគឺជារឿងមួយដែលត្រូវបានគេណែណាំដើម្បីភ្ញោចដល់ថ្លើម ដោយសារតែវាត្រូវបានគេស្គាល់ថា មានវីតាមីន C ខ្ពស់។ វីតាមីន C នេះហើយត្រូវបានគេរកឃើញថា មានប្រយោជន៍ខ្លាំងនៅពេលនិយាយដល់ការច្រោះជាតិពុលពីក្នុងរាងកាយ ហើយក៏ពង្រឹងដល់មុខងារថ្លើមផងដែរ។
ផ្លែវ៉ុលណាត់
អ្នកក៏គួរតែបញ្ចូលផ្លែវ៉ុលណាត់ទៅក្នុងរបបអាហារដែរបើសិនជាចង់ពង្រឹងដល់មុខងារថ្លើមកាន់តែល្អជាងមុន។ មានហេតុផលច្រើនណាស់ដែលអ្នកគួរតែបញ្ចូលផ្លែវ៉ុលណាត់ទៅក្នុងរបបអាហារដូចជា សម្បូរទៅដោយអាស៊ីតខ្លាញ់អូមេហ្គាបី Glutathione ព្រមទាំង Arginine ដែលសុទ្ធតែល្អសម្រាប់មុខងារថ្លើមទាំងអស់។
យ៉ាអួ
យ៉ាអួគឺជាផ្លែឈើមួយផ្សេងទៀតដែលអ្នកត្រូវតែបញ្ចូលក្នុងរបបអាហារ ដោយសារតែវាអាចជួយបង្កើនចំនួនបាក់តេរីល្អក្នុងពោះវៀនសម្រាប់បំបាត់ការកើនឡើងជាតិពុលក្នុងខ្លួនបាន។ រឿងនេះនឹងមានប្រយោជន៍ខ្លាំងជាមួយនឹងមុខងាររបស់ថ្លើម ដោយសារតែវាមិនសូវមានជាតិពុលច្រើនសម្រាប់ថ្លើមបន្សាប។
បន្លែពណ៌បៃតង
គ្រូពេទ្យប្រហែលជាប្រាប់អ្នកអំពីការញ៉ាំបន្លែពណ៌បៃតងឲ្យបានច្រើនដោយសារតែវាមានជីវជាតិច្រើនដែលល្អចំពោះសុខភាពទូទៅ។ ក្រៅពីនេះ ដោយសារតែបន្លែពណ៌បៃតងនេះមានសារធាតុ Chlorophyll ដែលត្រូវបានគេដឹងច្បាស់ថា អាចជួយបឺតស្រូបជាតិពុលពិក្នុងខ្លួនបានយ៉ាងល្អ ព្រមទាំងល្អចំពោះថ្លើមទៀត។
សណ្តែក
ការបញ្ចូលសណ្តែកទៅក្នុងរបបអាហារ គឺជារឿងល្អមួយសម្រាប់ថ្លើមដោយសារតែវាផ្ទុកទៅដោយជាតិដែកយ៉ាងច្រើនដែលល្អចំពោះប្រព័ន្ធរំលាយអាហារ។ ដូច្នេះរួចហើយថា នៅពេលមានបាក់តេរីល្អក្នុងពោះវៀន ថ្លើមនឹងអាចធ្វើការកាន់តែល្អដែរ។
កាហ្វេ
ការញ៉ាំកាហ្វេពិតជារឿងល្អមួយសម្រាប់អ្នក។ កាហ្វេអាចជួយការពារជាតិខ្លាញ់កុំឲ្យកើនឡើងក្នុងចរន្តឈាម ខណៈពេលដែលបន្ថយការរលាកក្នុងថ្លើមថែមទៀត។ (អាន:ថ្នាំងងុយគេង ពេលអ្នកគួរប្រើ)ការញ៉ាំកាហ្វេក៏ត្រូវបានគេចាត់ទុកថាជំរុញការទទួលបានអង់ទីអុកស៊ីដង់ក្នុងខ្លួនដែរ។ អ្នកគ្រាន់តែប្រាកដថា គួរតែញ៉ាំកាហ្វេខ្មៅឲ្យបានច្រើនចៀសជាងការលាយស្ករ និងទឹកដោះគោ៕