ទោះបីជាភាគច្រើននៃពួកយើងស្គាល់និងធ្លាប់ទទួលទានបន្លែភ្លៅកង្កែប ប៉ុន្តែប្រហែលមិនដែរចាប់អារម្មណ៍អំពីអត្ថប្រយោជន៍នៃបន្លែនេះចំពោះសុខភាពឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើបន្លែភ្លៅកង្កែបអាចផ្ដល់ផលល្អយ៉ាងណាខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរទទួលទានបន្លែភ្លៅកង្កែប ៖
១. បំបាត់ក្លិនខ្លួនមិនល្អ
ក៏ព្រោះលក្ខណៈសម្បត្តិជាថ្នាំបញ្ចុះទឹកនោមបែបធម្មជាតិបន្លែភ្លៅកង្កែបអាចជួយបំបាត់ក្លិនខ្លួនមិនល្អដោយកម្ចាត់ជាតិពុលផ្សេងៗចេញពីរាងកាយតាមរយៈទឹកនោម។
២. ទប់ស្កាត់អាការៈហើមពោះ
បន្លែភ្លៅកង្កែបជាប្រភពដ៏ប្រសើរនៃជាតិម៉ាញ៉េស្យូម ប៉ូតាស្យូម វីតាមីន B6 ជាតិទឹក និងជាតិសសៃ។ ការទទួលទានបន្លែភ្លៅកង្កែបនៅពេលស្ត្រេស ឬតានតឹងក្នុងអារម្មណ៍ គឺល្អបំផុតក៏ព្រោះអាហារសម្រន់កញ្ចប់ ក៏ដូចជាអាហារផ្អែមផ្សេងៗអាចបណ្ដាលឱ្យហើមពោះ។
៣. បញ្ចុះសម្ពាធឈាម
បន្លែភ្លៅកង្កែបមានផ្ទុកសមាសធាតុម្យ៉ាងហៅថា phytochemical 3-N-butylphthalide ជួយគ្រប់គ្រងកម្រិតសម្ពាធឈាម។ វាក៏ជួយសម្រួលចរន្តឈាមក្នុងរាងកាយផងដែរ។ ដូច្នេះចូរព្យាយាមទទួលទានភ្លៅកង្កែបឱ្យបានច្រើន ឬរួមបញ្ចូលវាក្នុងរបបអាហារប្រចាំថ្ងៃរបស់អ្នក។
៤. ជាថ្នាំបញ្ចុះទឹកនោមបែបធម្មជាតិ
មិនត្រឹមតែមានផ្ទុកជាតិកាឡូរីទាប និងគ្មានជាតិខ្លាញ់ប៉ុណ្ណោះទេ ប៉ុន្តែបន្លែនេះក៏មានប្រសិទ្ធិភាពបញ្ចុះទឹកនោមដែលជួយបញ្ចេញចោលនូវជាតិពុលផ្សេងៗ និងអំបិលក៏ដូចជាទម្ងន់ដែលលើសពីក្នុងរាងកាយផងដែរ។
៥. ទប់ស្កាត់ជំងឺមហារីក
នោះក៏ព្រោះតែបន្លែភ្លៅកង្កែបជាប្រភពនៃសារធាតុ luteolin និងវីតាមីន C ដែលមានលក្ខណៈសម្បត្តិប្រឆាំងជំងឺមហារីក៕