ខាងក្រោមនេះគឺជារបៀបរស់នៅដែលផ្តល់សុខភាព ហើយក៏ជារឿងដែលងាយស្រួលនឹងធ្វើបានគ្រប់គ្នាដែរ។ យ៉ាងណាមិញ បើសិនជាមិនមានការរស់នៅផ្តល់សុខភាពទេ មានន័យថាអ្នកកំពុងតែដាក់ខ្លួនទៅក្នុងការប្រឈមនឹងជំងឺជាច្រើនហើយចាប់ពី ការឡើងទម្ងន់រហូតដល់កើតជំងឺទឹកនោមផ្អែមជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដំណឹងល្អនោះគឺថា មានវិធីសាស្រ្តច្រើនណាស់ដែលអ្នកអាចចាប់ផ្តើមធ្វើខ្លួនឈានទៅរករបៀបរស់នៅដែលផ្តល់សុខភាពបានដូចជា៖
ការដើរ
បើសិនជាអ្នកមិនបានហាត់ប្រាណនៅកន្លែងហាត់ទេ កុំបារម្ភអី គ្រាន់តែការហាត់ប្រាណសាមញ្ញៗដូចជា ការដើរ ក៏អាចផ្តល់ប្រយោជន៍បានយ៉ាងច្រើនផងដែរ។ ក្រៅពីធ្វើឲ្យចង្វាក់បេះដូងដើរញ៉ាប់ ការដើរប្រហែល ២០នាទី ក៏អាចជួយដល់ការរំលាយអាហារ និងរំលាយជាតិខ្លាញ់ផងដែរ។
ជ្រើសរើសអាហារពិតប្រាកដទទួលទាន
បញ្ហាជាមួយរបបអាហារប្រចាំថ្ងៃនោះគឺថា យើងកំពុងតែញ៉ាំអាហារលឿន និងអាហារកៃឆ្នៃច្រើនដើម្បីបំបាត់ភាពឃ្លានចៀសជាងការចម្អិនអាហារញ៉ាំដោយខ្លួនឯង។ ជាអាកុសល អាហារទាំងនេះមានជាតិខ្លាញ់ Trans-fat ច្រើនដែលអាចនាំឲ្យជាតិស្ករក្នុងឈាមឡើងខ្ពស់ និងប៉ះពាល់ដល់តម្រងនោមបានទៀតផងបើសិនជាញ៉ាំវាជាប្រចាំ។ បើសិនជាអ្នកជ្រើសរើសការញ៉ាំអាហារអាហារផ្តល់សុខភាព យកល្អគួរតែញ៉ាំបន្លែផ្លែឈើ គ្រាប់ធញ្ញជាតិ ឲ្យបានច្រើន ព្រោះវាសម្បូរជាតិរ៉ែ និងវីតាមីន ដែលរាងកាយត្រូវការ។
សម្រាក
មនុស្សយើងដឹងច្បាស់ណាស់ថា មិនអាចគេបានគ្រប់គ្រាន់ឡើយដោយសារតែការងាររវល់ច្រើន ហើយមានអ្នកខ្លះគេងមិនបាន ៤ ទៅ៥ម៉ោងក្នុងមួយយប់ផង ខណៈពេលដែលគេងគ្រប់គ្រាន់ពី ៨ម៉ោងឡើងទៅ។ ដូច្នេះបើសិនជាអ្នកកំពុងតែគេងមិនបានគ្រប់ទេ រឿងដំបូងដែលសម្គាល់ដឹងនោះគឺខ្សោយកម្លាំង ផ្ចង់អារម្មណ៍មិនល្អ និងឃ្លានជាប់។ ដូច្នេះយកល្អគួរតែព្យាយាមគេងឲ្យបានគ្រប់គ្រាន់ដើម្បីសុខភាពកាន់តែល្អ។
យកចិត្តទុកដាក់ទៅលើផលិតផលថែរក្សាសម្រស់
អ្នកប្រហែលជាមិនបានដឹងអំពីរឿងនេះទេ ប៉ុន្តែផលិតផលថែរក្សាសម្រស់ដែលអ្នកកំពុងតែប្រើប្រាស់គឺផ្ទុកទៅដោយសារធាតុគីមីច្រើនណាស់ដែលអាចបង្កគ្រោះថ្នាក់ដល់ស្បែកបានបើសិនជាប្រើប្រាស់យូរ។ បើសិនជាអ្នកយល់ថាស្បែកចេះតែបន្តរលាក ប្រហែលជាមកពីផលិតផលដែលអ្នកកំពុងតែប្រើប្រាស់នោះហើយ។
ជ្រើសរើសអាហារសម្រន់ផ្តល់សុខភាព
ចូរកុំភ្លេចរៀបចំអាហារសម្រន់ផ្តល់សុខភាពផង ព្រោះអ្នកអាចញ៉ាំវាបានគ្រប់ពេលដែលឃ្លាន។ យកល្អគួរតែជ្រើសរើសការញ៉ាំផ្លែឈើ ឬសាឡាតវិញព្រោះអាចផ្តល់ជីវជាតិបានច្រើន។ (អាន:ថ្នាំងងុយគេង ពេលអ្នកគួរប្រើ)វាមិនត្រឹមតែឆ្ងាញ់ទេ តែក៏ជួយការពារការឃ្លានទៀតផងដែរ៕