Join with Health.com.kh on Telegram

ពៃក្តោបពណ៌ស្វាយ ដូចជាមិនសូវសម្បូរក្នុងស្រុកយើងទេ ប៉ុន្តែវាជាបន្លែមួយប្រភេទដែលស្រដៀងគ្នានឹងស្ពៃក្តោបធម្មតាយើងដែរ គ្រាន់តែវាមានពណ៌ស្វាយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែអ្វីដែលពណ៌ស្វាយនេះផ្តល់ឲ្យគឺ វាសម្បូរទៅដោយជីវជាតិជាច្រើនដែលមានប្រយោជន៍ចំពោះសុខភាពរបស់យើងទាំងមូល។ 

ស្ពៃក្តោបពណ៌ស្វាយប្រហែលជាអាចជួយពង្រឹងដល់មុខងាររបស់ពោះវៀនមនុស្សយើងបាន។ អំណះអំណាងមួយដែលបញ្ជាក់ថា ស្ពៃក្តោបអាចបន្ថយការរលាកក្នុងពោះវៀន និងបន្ថយការរលាកភ្នាស់ក្នុងពោះវៀនបាន ដែលវាច្រើនតែបង្កឡើងដោយផលរំខានការព្យាបាលមហារីក។ 

ស្ពៃក្តោប ក៏ជាប្រភពដ៏ល្អមួយនៃជាតិសរសៃដែរ ដែលអាចជួយថែរក្សាពោះវៀនឲ្យមានសុខភាពល្អ និងជួយរំលាយអាហារកាន់តែស្រួលជាងមុន។ សារធាតុសរសៃមិនរលាយរបស់ស្ពៃក្តោបប្រភេទនេះមានរហូតដល់ ៧០ភាគរយឯណោះ។ ដូច្នេះវានឹងជួយឲ្យលាមកធូ និងធ្វើចលនា និងបន្ទោបង់កាន់តែស្រួលជាងមុន ព្រមទាំងបន្ថយការប្រឈមនឹងការទល់លាមកបានថែមទៀត។ 

សម្រាប់ ៣០ភាគរយទៀតគឺជាជាតិសរសៃរលាយ ដែលអាចវាអាចផ្តល់ជាការចិញ្ចឹមដល់បាក់តេរីល្អក្នុងពោះវៀនបាន។ បាក់តេរីល្អនេះនឹងផលិតជា Short-chain Fatty Acids (SCFAs) ដូចជា Acetate, Butyrate, និង Propionate ដែលជួយចិញ្ចឹមដល់កោសិការបស់ពោះវៀន។ 

ការស្រាវជ្រាវបានបង្ហាញថា SCFAs ក៏ប្រហែលជាជួយបន្ថយការរលាក និងអាការៈផ្សេងៗទៀតនៃជំងឺរលាកពោះវៀនដូចជា Crohn’s Disease ចង្កោមរោគសញ្ញារលាកពោះវៀន និង Ulcerative Colitits។ 

ការញ៉ាំទឹកស្ពៃក្តោបពណ៌ស្វាយ ៩៤៦មីលីលីត្រក្នុងមួយថ្ងៃ អាចជួយឲ្យដំបៅក្រពះឆាប់ជាក្នុងរយៈពេល ៧ ទៅ១០ថ្ងៃ។(អាន:ថ្នាំងងុយគេង ពេលអ្នកគួរប្រើ) ប៉ុន្តែការសិក្សាដែលបង្ហាញរឿងនេះគឺហួសសម័យហើយ ដូច្នេះត្រូវតែមានការសិក្សាកាន់តែច្រើនបន្ថែមទៀតដើម្បីស្រាយជ្រាវទៅលើឥទ្ធិពលរបស់វាមួយនេះ៕