ការឈឺចាប់នៅពេលលេបអាហារ រួមទាំងភេសជ្ជៈផ្សេងៗអាចបណ្ដាលមកពីមូលហេតុស្មានមិនដល់មួយចំនួន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើមូលហេតុទាំងនោះមានអ្វីខ្លះទៅ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីកត្តាទូទៅបំផុតនៃបញ្ហាឈឺចាប់ពេលលេបអាហារ ៖
១. ជំងឺផ្ដាសាយ ឬគ្រុនផ្ដាសាយ
ជាធម្មតាជំងឺផ្ដាសាយមានអមមកជាមួយនូវអាការៈក្អកដែលអាចបង្កឱ្យមានការរលាកក្នុងបំពង់ក។ លើសពីនេះទៅទៀតជំងឺផ្ដាសាយ គឺបណ្ដាលឱ្យមានការបង្ករោគនៅផ្លូវដង្ហើមផ្នែកខាងលើ រួមបញ្ចូលទាំងបំពង់ក។ ដូច្នេះហើយទើបជំងឺផ្ដាសាយជាមូលហេតុទូទៅដែលបង្កបញ្ហាឈឺចាប់នៅពេលលេបអាហារ ឬភេសជ្ជៈអ្វីចូល។
២. ឈឺបំពង់ក
អាការៈឈឺបំពង់កអាចកើតឡើងដោយសារកត្តាផ្សេងៗជាច្រើន។ ហើយជាធម្មតាអាការៈឈឺបំពង់កនឹងបង្កបញ្ហាឈឺចាប់ពេលលេបអាហារ ឬភេសជ្ជៈ។
៣. ជំងឺរលាកបំពង់ក
ការឈឺចាប់នៅពេលលេបអាហារ ឬភេសជ្ជៈ គឺជាផលវិបាកមួយនៃជំងឺរលាកបំពង់ក។
៤. ការឆ្លងមេរោគផ្សិត
មេរោគផ្សិតក៏ជះឥទ្ធិពលលើសុខភាពមាត់ធ្មេញផងដែរ ហើយការឈឺចាប់នៅពេលលេប គឺជាអាការៈមួយនៃបញ្ហានេះ។ រោគសញ្ញាផ្សេងទៀតនៃរោគផ្សិតក្នុងមាត់រួមមានការឡើងកំណកកំបោរ បំពង់កនិងរាល់ជាលិកាទន់ៗប្រែជាឡើងក្រហម រួមជាមួយរសជាតិប្លែកៗក្នុងមាត់។
៥. ច្រាលទឹកអាស៊ីតក្រពះ
ក្រហាយទ្រូងមិនមែនជាអាការៈតែមួយនៃបញ្ហាច្រាលទឹកអាស៊ីតក្រពះឡើយ ក៏ព្រោះការឈឺចាប់នៅពេលលេបអាហារ ឬភេសជ្ជៈក៏កើតមានរួមមកជាមួយញឹកញយផងដែរ។
ចំណុចគួរកត់សម្គាល់ ៖ ប្រសិនបើការឈឺចាប់នៅតែបន្តកើតមានយូរជាងមួយសប្តាហ៍នោះកុំស្ទាក់ស្ទើនឹងទៅជួបពិនិត្យជាមួយគ្រូពេទ្យឱ្យសោះ! ជាពិសេសប្រសិនបើការឈឺចាប់នៅពេលលេបអាហារ ឬភេសជ្ជៈនេះមានអមមកជាមួយនូវអាការៈដទៃទៀតដូចជាពិបាកបើកមាត់ ហៀរទឹកមាត់ច្រើន និងពិបាកដកដង្ហើម៕