វាគឺជារឿងពិតមួយដែល ស្ថានភាពតានតឹងក្នុងអារម្មណ៍ខ្លាំងអាចធ្វើឲ្យសម្ពាធឈាមឡើងខ្ពស់ជាបណ្តោះអាសន្នបាន។ យ៉ាងណាមិញ ទំនាក់ទំនងរវាងជំងឺលើសសម្ពាធឈាម និងស្រ្តេសមិនទាន់យល់ដឹងច្បាស់នៅឡើយទេ។ នេះដោយសារតែ ស្រ្តេអាចជាកត្តាប្រឈមមុខរបស់មនុស្សម្នាក់ៗសម្រាប់ជំងឺលើសសម្ពាធឈាម ឬជំងឺបេះដូង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ម៉្យាងវិញទៀត ស្រ្តេសក៏អាចមានឥទ្ធិពលទៅលើកត្តាប្រឈមមុខផ្សេងៗទៀតនៃជំងឺលើសសម្ពាធឈាមដែរ។ ឧទាហរណ៍ ហើយសិនជា អ្នកស្រ្តេស សម្ពាធឈាមអាចនឹងឡើងខ្ពស់ អ្នកអាចនឹងញ៉ាំអាហារច្រើនៗដើម្បីបំបាត់ស្រ្តេស (នាំឲ្យធាត់ជ្រុល) អ្នកមិនមានអារម្មណ៍ចង់ហាត់ប្រាណ និងញៀនការជក់បារី ឬផឹកស្រា។ កត្តាទាំងនេះហើយសុទ្ធតែអាចធ្វើឲ្យអ្នកប្រឈមនឹងជំងឺលើសសម្ពាធឈាម ឬធ្វើឲ្យជំងឺនេះកាន់តែធ្ងន់ធ្ងរ។
តើមានអ្វីកើតឡើងទៅនៅពេលយើងស្រ្តេស?
នៅពេលស្រ្តេស រាងកាយនឹងបញ្ចេញអ័រម៉ូន Cortisol ដែលវាមិនត្រឹមតែធ្វើឲ្យអតុល្យភាពអ័រម៉ូនក្នុងរាងកាយទែ តែក៏បណ្តាលឲ្យសម្ពាធឈាមឡើងខ្ពស់បណ្តោះអាសន្នដែរ។ យ៉ាងណាមិញ បើសិនជារឿងនេះកើតឡើងភាគច្រើន អ្នកពិតជាប្រឈមកាន់តែខ្ពស់នឹងជំងឺលើសសម្ពាធឈាម។ ជំងឺលើសសម្ពាធឈាមរយៈពេលយូរ អាចបណ្តាលឲ្យចង្វាក់បេះដូងឡើងខ្ពស់ ដែលធ្វើឲ្យបេះដូងលោតកាន់តែលឿន និងងាយកើតជំងឺបេះដូងណាស់។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះ វាក៏នាំឲ្យសរសៃឈាមរួមតូចដែរបើសិនជាកម្រិតកូឡេស្តេរ៉ុលក្នុងឈាមមានខ្ពស់៕
