ជាធម្មតា ការរាករូសច្រើនតែបង្កឡើងដោយការញ៉ាំអាហារមានមេរោគ។ រាងកាយនឹងមានប្រតិកម្មនឹងរឿងនេះដើម្បីព្យាយាមបញ្ចេញមេរោគទាំងអស់ចេញពីរាងកាយកាន់តែលឿនតាមតែអាចធ្វើបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយទើបណ្តាលឲ្យមានការរាកសុទ្ធតែទឹកជាញឹកញាប់ និងមានការឈឺពោះ និងក្តៅខ្លួនតាមជាមួយផង។
ការរាករុសច្រើនតែបាត់ទៅវិញដោយខ្លួនឯងក្នុងរយៈពេលពីរបីថ្ងៃ។ យ៉ាងណាមិញ បើសិនជាអ្នកចង់ឲ្យការរាករូសនេះបាត់ទៅវិញកាន់តែលឿននោះ យកល្អគួរតែយកខ្ញីធ្វើជាតែញ៉ាំទៅ។
- យកចិត្តមឺមខ្ញីមួយដុំ ហើយចិតសម្បកវាចេញឲ្យស្អាត
- ហាន់វាឲ្យម៉ត់ត្រឹមមួយស្លាបព្រាកាហ្វេ
- ចូរដាក់វាក្នុងទឹកពុះមួយពែង ហើយទុកចោល ៥ ទៅ១០នាទី
- អ្នកក៏អាចបន្ថែមទឹកក្រូចឆ្មា ឬទឹកឃ្មុំដើម្បីបន្ថែមរសជាតិបានដែរ
នៅពេលនេះ អ្នកអាចញ៉ាំវាបានហើយ ដោយធ្វើយ៉ាងណាញ៉ាំឲ្យបាន ៣ដងក្នុងមួយថ្ងៃដើម្បីពន្លឿនដល់ការបាត់អាការៈរាករូស។ (អាន:ថ្នាំងងុយគេង ពេលអ្នកគួរប្រើ)
ការញ៉ាំទឹកឲ្យបានច្រើនក្នុងពេលរាកក៏ជួយបង្ការកុំឲ្យមានផលវិបាកបានដែរ ជាពិសេសការខ្សោះជាតិទឹកក្នុងខ្លួនតែម្តង។ ហើយបើសិនជាការរាករូសនេះបន្តជាប់រហូតច្រើនថ្ងៃ យកល្អគួរតែទៅជួបពេទ្យដើម្បីពិនិត្យ ព្រោះថាវាអាចបណ្តាលមកពីបញ្ហាអ្វីផ្សេង៕