ចិញ្ចឹមសត្វរាល់ថ្ងៃ តើដឹងថាអាចឆ្លងជំងឺពីវាដែរទេ?

ភាគច្រើនសត្វចិញ្ចឹមត្រូវបានម្ចាស់ស្រឡាញ់ និងថ្នាក់ថ្នមដូចជាកូនពួកគេអញ្ចឹង។ សត្វខ្លះរហូតដល់ញ៉ាំអាហារនៅលើតុដូចមនុស្សអញ្ជឹង ហើយគេងជាលើគ្រែជាមួយម្ចាស់ថែមទៀត។ ប៉ុន្តែការដែលមានភាពស្និទ្ធស្នាលជាមួយសត្វបែបនេះពេកពិតជាមិនល្អចំពោះសុខភាពមនុស្សឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាសត្វនោះមិនបានចាក់វ៉ាក់សាំងការពារជំងឺទេ វាអាចនឹងចម្លងជំងឺជាច្រើនដល់មនុស្សបានដូចជា៖

ឆ្កែ

ការប្រឈមមុខដ៏ធំបំផុតដែលចិញ្ចឹមសត្វឆ្កែមិនបានចាក់ថ្នាំការពារគឺគេអាចចម្លងជំងឺឆ្កែឆ្គួតដល់មនុស្សបាន។ ជំងឺនេះឆ្លងតាមរយៈសត្វដែលមានជំងឺខាំ និងប៉ះពាល់ដល់ប្រព័ន្ធសរសៃប្រសាទ។ ជំងឺនេះច្រើនតែមានលក្ខណៈធ្ងន់ធ្ងរ។ ឆ្កែក៏អាចចម្លងព្រូនរបស់វាដល់មនុស្សបានដែរ។ ពងព្រូនទាំងនេះច្រើនតែមានក្នុងលាកមករបស់វា ហើយអ្នកអាចឆ្លងវាបានបើសិនជាអ្នកដើរជាន់ដោយមិនពាក់ស្បែកជើង ឬលាងសម្អាតដៃជើងបានល្អ។ 

ឆ្មា

ខណៈពេលដែលឆ្មាអាចចម្លងជំងឺព្រូនដែរនោះ វាក៏អាចបង្កជាជំងឺមួយហៅថាជំងឺឆ្មាខ្វាចបានដែរ។ ជំងឺនេះបង្កឡើងដោយបាក់តេរីម៉្យាងឈ្មោះថា Bartonella Henselae និងចម្លងតាមរយៈឆ្មាខាំ​ ឬខ្វាច។ 

សត្វសេកចិញ្ចឹម

ជំងឺមួយឈ្មោះថា Psittacosis គឺជាការបង្ករោគដោយវីរុសមួយប្រភេទដែលបង្កឡើងដោយការប៉ះពាល់នឹងសត្វសេកចិញ្ចឹម។ រោគសញ្ញារបស់ជំងឺនេះមានដូចជា ក្តៅខ្លួន ឈឺក្បាល ឈឺសាច់ដុំ និងក្អក ដែលកើតយូរបំផុត ១សប្តាហ៍។ ជំងឺនេះក៏អាចបបណ្តាលឲ្យកើតជំងឺរលាកសួតថែមទៀតផង។ 

អណ្តើកនិងសត្វល្មូនផ្សេងៗទៀត

សត្វអណ្តើក និងល្មូនផ្សេងៗទៀតដូចជា ពស និងបង្គួយចិញ្ចឹមអាចបណ្តាលឲ្យមានជំងឺគ្រុនពោះវៀនបាន។ (អាន:ថ្នាំងងុយគេង ពេលអ្នកគួរប្រើ)មនុស្សអាចឆ្លងបាក់តេរីបង្កជំងឺនេះតាមរយៈការប៉ះពាល់ផ្ទាល់នឹងសត្វនេះផ្ទាល់ ឬទឹកដែលវាត្រាំ។ សម្រាប់មនុស្សដែលងាយកើតជំងឺ ក៏អាចបណ្តាលឲ្យមានបញ្ហារលាកសន្លាក់ និងរលាកស្រោមខួរក្បាលថែមទៀតផង៕