តារា​សិច​ម្នាក់​បាន​បង្ហើប​ឱ្យដឹងថា​នាង​បាន​បោះបង់​អាជីព​ជា​ឆ្មាំ​គុក​ដើម្បី​ចាប់យក​ការងារ​ថ្មី​ដោយ​ថត​ស្រាត ព្រោះ​នាង​ធុញទ្រាន់​នឹង​ការដែល​គេ​ចាត់ទុក​នាង​គ្រាន់តែ​ជា “​វត្ថុ​មួយ​” នៅ​កន្លែងធ្វើការ​។​

​នាង​អ៊ី​សា​បែ​ល ឌែ​ល​តូ​រ៉េ បាន​ប្តូរ​អាជីព​ជា​ឆ្មាំ​គុក​នៅ​ពន្ធនាគារ​តឹងរ៉ឹង​បំផុត​មួយ​របស់​អូស្ត្រាលី​ដើម្បី​ក្លាយជា​ជ័យលាភី​បវរកញ្ញា​ស្រាត​ពិភពលោក (Miss Nude World) ដោយ​ឈ្នះ​នៅ​ឆ្នាំនេះ ក៏ដូចជា​នៅ​ឆ្នាំ ២០១៥ ផងដែរ​។​

​នាង ឌែ​ល​តូ​រ៉េ មកពី​ទីក្រុង​មែ​ល​ប៊​ន​បាន​និយាយថា នាង​មិនដែល​ក្រឡេកមើល​ថយក្រោយ​ទេ បន្ទាប់ពី​ចាកចេញ​ពី​ឧស្សាហកម្ម​មណ្ឌល​កែប្រែ​។​

​នាង​បាន​ប្រាប់​វេ​ប​សាយ News.com.au ថា “​ខ្ញុំ​ធ្លាប់​ធ្វើជា​មន្ត្រី​គុក​តាំងពី​វ័យ​នៅ​ក្មេង ហើយ​ខ្ញុំ​ត្រូវ​ប្រុងប្រយ័ត្ន​សន្តិសុខ​ខ្ពស់បំផុត​អស់ ៥ ឆ្នាំ​។ ខ្ញុំ​ក៏​ធ្លាប់​ធ្វើជា​កងទ័ព​បម្រុង​ផងដែរ​”​។​

​ទោះយ៉ាងណា មាន​កត្តា​មួយចំនួន​បានធ្វើឱ្យ​នាង​ចោទសួរ​អំពី​ជម្រើស​អាជីព​របស់​នាង រួមទាំង​អំពើហិង្សា​ឥត​ល្ហែ និង ការដែល​ពួក​អ្នកទោស​ចាត់ទុក​នាង​ជា “​វត្ថុ​លេងសើច​” ឥត​ស្រាកស្រាន្ត​។​

​បន្ទាប់មក​នាង​សម្រេចចិត្តថា​នាង​នឹង​ព្យាយាម​រកលុយ​បន្ថែមទៀត ហើយ​នាង​បានចាប់ផ្តើម​ប្រកបមុខរបរ​ជា​ស្រី​ស្រាត​ដោយ​សម្ងាត់​។ ហើយ​នៅពេលដែល​នាង​ទទួលបាន​ប្រាក់កម្រៃ​២​សប្តាហ៍​ស្មើនឹង​ប្រាក់​មួយខែ​របស់​នាង នាង​មិន​ស្ទាក់​ស្ទើរនឹង​ស្រាត​តាម​ក្លិប​រាត្រី​នោះឡើយ​។​

​បន្ទាប់ពី​រក​កម្រៃ​កាក់កប និង​ប្តូរ​វេន​មក​ធ្វើការ​នៅ​ម៉ោង ៤ ទៀបភ្លឺ នាង​បាន​សម្រេចចិត្ត​លាឈប់​ពី​ការងារ​ឆ្មាំ​គុក​តែម្តង​។​

​បច្ចុប្បន្ន នាង ឌែ​ល​តូ​រ៉េ មិន​ត្រឹមតែ​រាំ​ស្រាត​ប៉ុណ្ណោះ​ទេ នាង​ក៏​ថត​សិច​ដាក់​លើ​វេ​ប​សាយ​មួយ​ទៀតផង​៕

ប្រភព៖ rasmeinews.com