កាលពីអត្ថបទមុនៗ យើងខ្ញុំបានបកស្រាយរួចមកហើយអំពីចំណីអាហារដែលគួរញ៉ាំដើម្បីជម្រុញដល់ការគេងលក់បានកាន់តែស្កប់ស្កល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះបើសិនជាអ្នកទទួលបានជោគជ័យក្នុងការគេងហើយវាពិតជារឿងល្អមួយ ប៉ុន្តែបើសិនជានៅតែមិនទទួលបានជោគជ័យទៀត អញ្ចឹងចូរសិក្សាបន្ថែមទៀតអំពីអាហារដែលអ្នកត្រូវចៀសវាងមុនពេលចូលគេង ដើម្បីកុំឲ្យរំខានដល់ការគេងលក់នៅពេលយប់។
ឃឹនឆាយ
បើសិនជាអ្នកកំពុងតែតមអាហារមានជាតិខ្លាញ់ បន្លែគឺជាអាហារដ៏សំខាន់សម្រាប់អ្នកហើយ ប៉ុន្តែបន្លែពិសេសមួយដែលអ្នកគួរតែចៀសវាងមុនពេលគេងនោះគឺឃឹនឆាយតែម្តង។ ឃឹនឆាយដើរតួនាទីជាសារធាតុបញ្ចុះទឹកនោមក្នុងរាងកាយ មានន័យថា វានឹងធ្វើឲ្យអ្នកចង់នោមច្រើនដង។ ការគេងលក់ស្កប់ស្កល់នឹងបញ្ចេញសារធាតុជាច្រើនដើម្បីជួសជុលដល់សាច់ដុំ និងជាលិកាដែលខូចខាត ដូច្នេះ ការដែលឧស្សាហ៍ភ្ញាក់ពីគេង និងរំខានដល់ដំណើរការមួយនេះបាន។
ម្ទេស
អ្នកប្រហែលជាគិតថា ការញ៉ាំម្ទេសពីរបីមុនពេលគេងគឺជារឿងល្អមួយព្រោះតែវាមានជីវជាតិគ្រប់គ្រាន់សម្រាប់រំលាយជាតិខ្លាញ់មុនពេលចូលគេងហើយ។ បើអញ្ចឹងមែន សូមគិតវាម្តងទៀតទៅ។ ម្ទេសអាចផ្តល់សុខភាពមែននៅពេលញ៉ាំវាជាមួយគ្រឿងផ្សំដែលត្រឹមត្រូវដែរ ប៉ុន្តែការញ៉ាំញឹកញាប់ពេកគឺមិនអាចផ្តល់អ្វីជាសុខភាពឡើយ។ យកល្អគ្រោយពីម៉ោង ៩យប់ គួរតែកុំញ៉ាំម្ទេសដើម្បីកុំឲ្យមានអារម្មណ៍ក្រហាយទ្រូងនៅពេលគេងយប់ឡើយ។
សូកូឡា
ការញ៉ាំសូកូឡាក្រោយពីអាហារពេលយប់រួចមិនមែនជារឿងល្អសម្រាប់ការគេងនៅពេលយប់ឡើយ។ សូកូឡាខ្មៅក៏មានជាតិកាហ្វេអ៊ីន ដែលអាចបង្កើនភាពស្រើបស្រាលខាងផ្លូវភេទដែរ ដូច្នេះអ្នកនឹងពិបាកងងុយគេងណាស់ហើយ ព្រមទាំងបន្ថយសមត្ថភាពក្នុងការទទួលបានការគេងលក់ស្កប់ស្កលទៀត។
អាហារខ្លាញ់
យោងទៅតាម The Nutrition Twin បានឲ្យដឹងថា អាហារខ្លាញ់ត្រូវការពេលរំលាយក្នុងពោះយូរ ដូច្នេះវាក៏ធ្វើឲ្យរាងកាយធ្វើការកាន់តែច្រើនជាងការសម្រាកដែរ។ អាហារមានជាតិខ្លាញ់ច្រើនៗច្រើនតែធ្វើឲ្យឈឺក្រពះ និងហើមពោះផងដែរក្នុងពេលគេងយប់ឡើង។
ទឹកផ្លែឈើ
ចូរចៀសវាងការញ៉ាំទឹកក្រូចច្របាច់ ទឹកផ្លែឈើ ទឹកទំពាំងបាយជូរក្រោយពីម៉ោង ៩យប់ ព្រោះវាជាភេសជ្ជៈដែលមានជាតិអាស៊ិតខ្ពស់ ហើយក៏បង្កើនភាពអាស៊ីតក្នុងរាងកាយ ដែលអាចបណ្តាលឲ្យក្រហាយដើមទ្រូងលើមនុស្សមួយចំនួនផងដែរ។
អាហារពេលយប់ដែលជាប្រូតេអ៊ីនខ្ពស់
ការស្រាវជ្រាវបានបង្ហាញថា ការញ៉ាំអាហារមានជាតិប្រូតេអ៊ីនខ្ពស់មុនពេលចូលគេងអាចបណ្តាលឲ្យរំខានដល់ការគេងបាន។ អ្នកជំនាញជាច្រើនបានជឿថា រឿងនេះដោយសារតែ អាហារសម្បូរជាតិប្រូតេអ៊ីនធ្វើឲ្យបន្ថយ Tryptophan ដែលជាអាស៊ីតអាមីណេមួយប្រភេទជម្រុញដល់អ័រម៉ូន Serotonin សម្រាប់ធ្វើឲ្យធូរស្រាលក្នុងអារម្មណ៍។
ភីហ្សា
បើសិនជាអ្នកចង់ឲ្យក្រពះធ្វើការល្អមុនពេលចូលគេង ចូរកុំញ៉ាំភីហ្សាជាអាហារពេលយប់អី ព្រោះវាជាអាហារដែលតម្រូវឲ្យរាងកាយធ្វើការយូរណាស់។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះ ទឹកជ្រលួកប៉េងប៉ោះដែលមានអាស៊ីតខ្ពស់ស្រាប់នោះច្រើនតែធ្វើឲ្យច្រាលទឹកអាស៊ីតពីក្រពះដែរ៕