ទ្វារមាសគឺជាសរីរាង្គមួយប្រភេទដែលអាចបញ្ជាក់បានយ៉ាងច្បាស់នៅពេលដែលមានការបង្ករោគតិចតួច និងអតុល្យភាពអ្វីមួយ ប៉ុន្តែមានអាហារ និងទង្វើរច្រើនណាស់ដែលអាចបណ្តាលឲ្យទ្វារមាសមានសុខភាពមិនល្អ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ខោទ្រនាប់

ស្រ្តីគួរតែស្លៀកខោទ្រនាប់ធ្វើពីសាច់កាតុង។ ខោទ្រនាប់ភាគច្រើនបង្កើតឡើងដោយវត្ថុធាតុដើមដែលមិនល្អសុខភាព ហើយវាក៏ជាមូលហេតុនាំឲ្យចេញជាភាពសើមច្រើនធ្វើឲ្យស្រ្តីងាយនឹងកើតការបង្ករោគក្នុងទ្វារមាសផងដែរ។ 

ការកោរោម

ការរោមនៅថ្ងាស់ក្រោមច្រើនអាចបង្កជាផលវិបាកច្រើន ព្រោះថាវត្តមានរបស់វាតែងតែជាអ្នកការពារទ្វារមាសពីការកកិត និងការបង្ករោគ។ ដូច្នេះ ការដែលកោរោមដល់ទ្វារមាសស្អាតបែបនេះ វាពិតជាមិនទំនងថាល្អចំពោះសុខភាពទ្វារមាសឡើយ ផ្ទុយទៅវិញ វានឹងងាយធ្វើឲ្យឆ្លងរោគថែមទៀត។ 

ទឹកអនាម័យ

ការប្រើទឹកអនាម័យអាចរំខានដល់តុល្យភាពធម្មជាតិរបស់បាក់តេរីល្អៗក្នុងទ្វារមាស ហើយការដែលប្រើវាជាទៀងទាត់ទៀតនឹងធ្វើឲ្យស្រ្តីងាយនឹងឆ្លងជំងឺ ជាពិសេសការបង្ករោគដោយមេរោគផ្សិត ជំងឺកាមរោគ និងមិនអាចមានកូនថែមទៀត។ 

អាហារដែលមានក្លិនឈួលខ្លាំងនិងជាតិផ្អែមខ្លាំង

អាហារមានក្លិនឈួលខ្លាំងដូចជា ខ្ទឹមស និងការី ត្រូវបានគេស្គាល់ថា អាចផ្លាស់ប្តូរក្លិនខ្លួនទាំងមូល រួមទាំងទ្វារមាសផងដែរ។ ជាមួយគ្នានេះដែរ ការដែលញ៉ាំរបស់ផ្ងែមច្រើនពេកក៏ត្រូវបានគេរកឃើញថា មិនល្អចំពោះសុខភាពទ្វារមាស និងងាយកើតរោគផ្សិតទៀត។ 

កត្តាផ្សេងៗ

  • សុខភាពទូទៅមិនល្អដូចជា គេងមិនគ្រប់គ្រាន់ ញ៉ាំអាហារមិនគ្រប់គ្រាន់ និងស្ត្រេស
  • ការប្រែប្រួលកម្រិតអ័រម៉ូនក្នុងពេលមានផ្តៃពោះ ការបំបៅដោះកូន រ៉ាំងរដូវ ប្រើថ្នាំពន្យាកំណើត និងប្រើថ្នាំសរសៃ
  • ជក់បារី
  • ស្ត្រេស
  • ញ៉ាំគ្រឿងស្រវឹង
  • ជំងឺទឹកនោមផ្អែម
  • ជំងឺកាមរោគ
  • ការបង្ករោគនៅកន្លែងណាផ្សេងនៃរាងកាយ
  • ប្រើថ្នាំគ្មានវេជ្ជបញ្ជាច្រើនជ្រុល ឬលើសកម្រិត(អាន:ថ្នាំងងុយគេង ពេលអ្នកគួរប្រើ)
  • ធាត់ជ្រុល៕
Loading...