ស៊ុត ជាអាហារដ៏សាមញ្ញបំផុតមួយដែលមានតម្លៃធូរថ្លៃនិងងាយរកទិញបាន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការទទួលទានស៊ុតត្រឹមពី ២ ទៅ ៣ គ្រាប់ ក្នុងមួយថ្ងៃជាប្រចាំអាចបង្កើនសុខភាពល្អប្រសើរនិងផ្ដល់ឱ្យអ្នកនូវអត្ថប្រយោជន៍ជាច្រើនស្មានមិនដល់។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការទទួលទានសុទ្ធរាល់ថ្ងៃ​ ៖

១. ទប់ស្កាត់បញ្ហាខ្វះគ្រាប់ឈាមក្រហម

ក្រៅពីមានផ្ទុកសម្បូរទៅដោយប្រូតេអ៊ីនគុណភាពល្អហើយនោះ ស៊ុតក៏ជាប្រភពដ៏ប្រសើរបំផុតមួយនៃជាតិដែកផងដែរ។ បរិមាណខ្ពស់នៃជាតិដែកក្នុងស៊ុតជួយក្នុងការបង្កើនការផលិតកោសិកាគ្រាប់ឈាមក្រហមទប់ស្កាត់ហានិ
ភ័យនៃជំងឺខ្វះគ្រាប់ឈាមក្រហម។

២. សុខភាពខួរក្បាល

ស៊ុតមានផ្ទុកសម្បូរទៅដោយសារធាតុ choline ជាប្រភេទនៃវីតាមីន B មួយដែលប្រើប្រាស់ដោយខួរក្បាលដើម្បីបង្កើតម៉ូលេគុលនិងភ្នាសកោសិកាថ្មីៗ។

៣. សុខភាពភ្នែក

ស៊ុតជាប្រភពដ៏ប្រសើរនៃសារធាតុ lutein និង zeaxanthin ដែលជាសារធាតុ
អុកស៊ីតកម្មពីរល្អសម្រាប់សុខភាពភ្នែកដោយបង្កើន ក៏ដូចជារក្សាការមើលឃើញបានច្បាស់និងទប់ស្កាត់ជំងឺភ្នែកផ្សេងៗ។

៤. សុខភាពឆ្អឹងនិងសាច់ដុំ

ស៊ុតមានផ្ទុកសម្បូរទៅដោយជាតិប្រូតេអ៊ីនដែលចាំបាច់សម្រាប់ការលូតលាស់ឆ្អឹងនិងសាច់ដុំ។ ដូច្នេះប្រសិនបើអ្នកចង់លូតកម្ពស់ថែមនោះ កុំភ្លេចបន្ថែមស៊ុតក្នុងរបបអាហារប្រចាំថ្ងៃ។

៥. ល្អសម្រាប់ទាំងស្ត្រីមានផ្ទៃពោះនិងកំពុងបំបៅដោះកូន

ស៊ុត ជាអាហារពេលព្រឹកល្អបំផុតមួយដែលមានរសជាតិឆ្ងាញ់ ហើយមិនពិបាកនឹងចម្អិនទៀត។ វាមានផ្ទុកសម្បូរទៅដោយប្រូតេអ៊ីន រួមទាំងវីតាមីន D និង choline ដែលចាំបាច់សម្រាប់ការលូតលាស់ឆ្អឹង និងការអភិវឌ្ឍខួរក្បាលរបស់ទារក។

៦. ទប់ស្កាត់ហានិភ័យនៃជំងឺពុកឆ្អឹង

ស៊ុតមានផ្ទុកសម្បូរទៅដោយវីតាមីន D ដែលដើរតួនាទីយ៉ាងសំខាន់បំផុតជួយប្រយុទ្ធប្រឆាំងទប់ស្កាត់ជំងឺពុកឆ្អឹង។ វីតាមីន D ជួយរាងកាយក្នុងការស្រូប
យកជាតិកាល់ស្យូមពីអាហារផ្សេងៗដែលអ្នកបានទទួលទាន។

៧. ជួយឱ្យស្រកទម្ងន់

នោះក៏ព្រោះតែស៊ុតមានផ្ទុកសម្បូរទៅដោយជាតិខ្លាញ់គុណភាពខ្ពស់ និងសារធាតុចិញ្ចឹមប្រូតេអ៊ីនដែលជួយអោយអ្នកស្រកទម្ងន់បានឆាប់តាមរយៈការកាត់បន្ថយចំណង់អាហារ។

៨. បញ្ឈប់សក់ជ្រុះ

ស៊ុតជាប្រភពដ៏ប្រសើរនៃសារធាតុ Biotin និង Protein ដែលសំខាន់សម្រាប់សុខភាពស្បែកក្បាល ព្រមទាំងការលូតលាស់នៃសក់៕