តទៅនេះសូមបង្ហាញគ្រៀមភាសាមួយចំនួនតែងប្រើប្រាស់ក្នុងជីវភាពរស់នៅ ដើម្បីទំនាក់ទំនងគ្នា។ ប៉ុន្តែមិនប្រាកដថា អ្នកខេត្តកំពតទាំងអស់សុទ្ធតែនិយាយពាក្យទាំងអស់នេះទេ គឺទៅតាមតំបន់មួយចំនួនប៉ុណ្ណោះ។ ដូច្នេះចង់ដឹងថា គ្រៀមភាសាអ្នកកំពតប្រែមកន័យធម្មតា មានអត្ថន័យដូចម្ដេច? សូមមកស្វែងយល់ទាំងអស់គ្នាណា!
បងប្អូនលក់អយស្ទ័រ
១. កុន មានន័យថា ប្រញាប់
២. មិត មានន័យថា រត់ ឧទាហរណ៍ មិតឲ្យលឿន ស្មើនឹងរត់ឲ្យលឿន
៣. ច្រែ មានន័យថា ស្រែ
៤. ច្រូវ មានន័យថា ស្រូវ ឧទាហរណ៍ទៅច្រែច្រូតច្រូវ គឺសំដៅថា ទៅស្រែច្រូតស្រូវ
៥. ង្ហាល់ មានន័យកង្ហារ
៦. ខែអូង គឺជាព្រះច័ន្ទ
៧. ម៉ូតូអូម គឺជាម៉ូតូឌុប ឧទាហរណ៍យើងនិយាយថា អេ!ពូម៉ូតូឌុប អ្នកកំពតនិយាយថា អេ! ពូម៉ូតូអូម
៨. ចៃណា មានន័យថា ប៊ិះ ឬវិះ
៩. គឺមិនគឺ មានន័យថា ពិត ឬមិនពិត
១០. ខ្លាំ គឺជាចានដែក
១១. ឆ្អាត មានន័យថា ស្អាត ឧទាហរណ៍សម្រស់ស្រស់ស្អាត អ្នកកំពតនិយាយថាសម្រស់ស្រស់ឆ្អាតម៉េស
១២. ឆ្ងឹត មានន័យថា ឈ្ងៀម
១៣. ប៉ុណ្ណឹងវឹន មានន័យថាប៉ុណ្ណឹងសោះ។ ឧទាហរណ៍ប៉ុណ្ណឹងខ្ញុំស៊ីផុយ តែអ្នកកំពតនិយាយថា ប៉ុណ្ណឹងវឹនស៊ីផុយ
១៤. ឆ្អុយ មានន័យថា ស្អុយ។ ឧទាហរណ៍ស្អុយណាស់ អ្នកកំពតគេនិយាយថា ឆ្អុយណាស់
១៥. ម៉ាកាភ្លូស មានន័យថាច្រើន
១៦. ប៉ាហួក គឺជាប្រហុក
ចុះប្រិយមិត្តដែលជាអ្នកកើតនៅខេត្តកំពតផ្ទាល់ មានដឹងថាមានពាក្យអ្វីទៀតទេ? កុំភ្លេចចែករំលែកផងណា។
ប្រភព៖ sabay.com.kh