ជាញឹកញយភាពមិនប្រក្រតីនៃកម្រិតជាតិស្ករក្នុងឈាមបង្កើនហានិភ័យនៃជំងឺទឹកនោមផ្អែមប្រភេទទី ២។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ វាមិនមែនជាអ្វីដែលមិនអាចទប់ស្កាត់ ឬគ្រប់គ្រងបានឡើយ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដែលជួយបញ្ចុះជាតិស្រក្នុងឈាមបានយ៉ាងប្រសើរ ៖
១. ចាប់ផ្ដើមទទួលទានទឹកអោយកាន់តែច្រើន
នៅពេលកម្រិតនៃជាតិស្ករក្នុងឈាមឡើងខ្ពស់ អ្នកត្រូវរក្សាជាតិទឹកក្នុងរាងកាយអោយគ្រប់គ្រាន់ជាប្រចាំ។ ការទទួលទានទឹកច្រើនជាងធម្មតានឹងជួយរក្សាស្ថេរភាពនៃជាតិស្ករក្នុងឈាមយ៉ាងឆាប់រហ័ស។
២. ទទួលទានត្រីសម្បូរខ្លាញ់
ត្រីសាលម៉ុន ត្រីធូណា ត្រីសាឌីន ត្រី Halibut និងត្រី mackerel សុទ្ធតែជាប្រភេទនៃត្រីដែលមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ ជួយកាត់បន្ថយភាពធន់នឹងអាំងស៊ុយលីនចំពោះអ្នកជំងឺទឹកនោមផ្អែម ក៏ដូចជាអ្នកកំពុងប្រឈមមុខនឹងហានិភ័យនៃជំងឺនេះ។ លើសពីនេះទៅទៀតអាស៊ីតខ្លាញ់អូមេហ្គា ៣ ក៏ល្អសម្រាប់សុខភាពសន្លាក់ឆ្អឹង បេះដូង និងខួរក្បាលផងដែរ។ ដូច្នេះដើម្បីជាការប្រសើរចូរទទួលទានត្រីសម្បូរខ្លាញ់ឳ្យបាន ២ ដងក្នុងមួយសប្តាហ៍។
៣. រួមបញ្ចូលខ្ទឹមសនិងខ្ទឹមបារាំងក្នុងរបបអាហារ
ខ្ទឹមទាំងពីរនេះមានផ្ទុកសារធាតុដែលមានប្រសិទ្ធិភាពខ្ពស់ជួយបញ្ចុះជាតិស្ករក្នុងឈាម និងទប់ស្កាត់ព្យាបាលជំងឺទឹកនោមផ្អែមប្រភេទទី ២។ ដូច្នេះហើយទើបការទទួលទានខ្ទឹមស និងខ្ទឹមបារាំងឱ្យបានញឹកញាប់ ឬរួមបញ្ចូលវាក្នុងអាហារជាគំនិតប្រសើរបំផុត។
៤. ធ្វើលំហាត់ប្រាណ
ការធ្វើលំហាត់ប្រាណ គឺជាវិធីដ៏ប្រសើរបំផុតមួយដើម្បីបញ្ចុះកម្រិតនៃជាតិស្ករក្នុងឈាម។ នៅពេលអ្នកធ្វើលំហាត់ប្រាណ រាងកាយនឹងអាចគ្រប់គ្រងកម្រិតនៃគ្លុយកូសក្នុងលំហូរឈាមមិនអោយឡើងខ្ពស់ខុសប្រក្រតី។ លើសពីនេះទៅទៀត នៅពេលអ្នកចាប់ផ្ដើមបែកញើស បេះដូងនឹងច្របាច់ឈាមខ្លាំងជាងមុន ហើយឈាមរបស់អ្នកនឹងហូរកាន់តែច្រើនដែលជួយអោយប្រើប្រាស់ជាតិស្ករក្នុងឈាមកាន់តែលឿន។
៥. ទទួលទានអាហារសម្រន់ដែលមានផ្ទុកសម្បូរទៅដោយជាតិប្រូតេអ៊ីន
នោះក៏ព្រោះតែប្រូតេអ៊ីន គឺជាសារធាតុចិញ្ចឹមមួយដែលអាចគ្រប់គ្រងរក្សាស្ថេរភាពនៃកម្រិតជាតិស្ករក្នុងឈាម។ វាក៏ជួយពន្យឺតការស្រូបយកជាតិគ្លុយកូសផងដែរ។ ប៉ុន្តែកុំទទួលទានអ្វីដែលមានផ្ទុកសម្បូរទៅដោយជាតិស្ករខ្ពស់ បើទោះវាជាប្រភពដ៏ប្រសើរនៃជាតិប្រូតេអ៊ីនក៏ដោយ។
៦ ទទួលទានជាតិកាបូអ៊ីដ្រាត ឬជាតិស្ករតិចជាងមុន
ព្យាយាមទទួលទានអាហារមានផ្ទុកជាតិកាបូអ៊ីដ្រាតតិចជាងមុន ១៥ ក្រាមនៅពេលក្រោយដែលអ្នកទទួលទាន។ មិនបាច់តមអាហារទេ គ្រាន់តែទទួលទានកាបូអ៊ីដ្រាតតិចជាងមុនទៅបានហើយ។.
៧. ដឹងពីអ្វីដែលគួរទទួលទាន
ត្រូវប្រាកដថាអ្វីដែលអ្នកទទួលទានគ្មានផ្ទុកសន្ទស្សន៍គ្លីសេមិច ឬជាតិស្ករខ្ពស់។ ហើយបើទោះជាអាហារសុខភាពល្អក៏ដោយ ប្រសិនបើវាមានផ្ទុកជាតិស្ករ ឬគ្លីសេមិចខ្ពស់ វាគឺមិនល្អសម្រាប់អ្នកឡើយ៕