ប្រយ័ត្ន! អាហារអ្វីខ្លះសំលាប់បាក់តេរីល្អៗក្នុងពោះវៀន?

របបអាហារជះឥទ្ធិពលគួរអោយកត់សម្គាល់ចំពោះសុខភាពរាងកាយទាំងមូល រួមទាំងពោះវៀន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្វីដែលសំខាន់នោះ គឺស្ថានភាពពោះវៀនមិនល្អប្រសើរអាចបណ្ដាលអោយកើតមានបញ្ហាសុខភាពច្រើនផ្សេងទៀតរួមមាន ថប់បារម្ភ ជំងឺបាក់ទឹកចិត្ត(depression) ជំងឺធាត់ជ្រុល ជំងឺទឹកនោមផ្អែមប្រភេទទី ២ ជំងឺរលាកសន្លាក់រ៉ាំរ៉ៃ ឧស្សាហ៍អស់កម្លាំង ជំងឺខ្សោយពោះវៀន ជាដើម។ ហើយការរក្សាបាននូវបាក់តេរីល្អៗក្នុងពោះវៀន គឺចាំបាច់ណាស់ដើម្បីសុខភាពពោះវៀនប្រសើរ។ ថាតើអាហារអ្វីខ្លះទៅជះឥទ្ធិពលដល់បាក់តេរីល្អៗក្នុងពោះវៀន? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលអ្នកគួរចៀសវាងទទួលទានច្រើនដើម្បីរក្សាបាក់តេរីល្អៗក្នុងពោះវៀន ៖

១. ស្ករ

ក្រៅពីធ្វើអោយធាត់ ព្រមទាំងបង្កើនហានិភ័យនៃជំងឺផ្សេងៗហើយនោះ ស្ករក៏ជះឥទ្ធិពលគួរអោយព្រួយបារម្ភចំពោះបាក់តេរីល្អៗក្នុងពោះវៀនផងដែរដោយវាបង្កើនចំនួនបាក់តេរីមិនល្អ។ ធ្លាប់ដឹងទេថាស្ករអាចធ្វើអោយអ្នកញៀនបាន? ទទួលទានច្រើនប៉ុណ្ណាកាន់តែឃ្លានប៉ុននោះ! ហើយប្រសិនបើអ្នកញៀននឹងទទួលទានស្ករ ឬអាហារនិងភេសជ្ជៈផ្អែមហើយនោះសុខភាពពោះវៀន ក៏ដូចជារាងកាយទាំងមូលនឹងស្ថិតក្នុងគ្រោះថ្នាក់ជាមិនខាន។

២. ជាតិផ្អែមសិប្បនិម្មិត

ប្រសិនបើអ្នកគិតថាស្ករ ឬជាតិផ្អែមសិប្បនិម្មិតល្អចំពោះសុខភាពក៏ព្រោះវាគ្មានផ្ទុកជាតិកាឡូរីនិងមិនបណ្ដាលអោយកម្រិតនៃជាតិស្ករក្នុងឈាមកើនឡើងនោះ ចូរគិតម្ដងទៀត! អ្នកជំនាញផ្នែកសុខភាព
ជាច្រើននិយាយថា ជាតិផ្អែមសិប្បនិម្មិតផ្ដល់ផលអាក្រក់ចំពោះសុខភាពខ្លាំងជាងស្ករធម្មតាទៅទៀត។ ជាតិផ្អែមសិប្បនិម្មិតបង្កើនចំនួនបាក់តេរីមិនល្អអោយមានច្រើនជាងល្អក្នុងពោះវៀន ហើយក៏បង្កការរលាកផងដែរ។ 

៣. ធញ្ញជាតិចម្រាញ់

ធញ្ញជាតិចម្រាញ់គ្មានផ្ទុកជាតិសសៃដែលជួយបង្កើនបាក់តេរីល្អៗក្នុងពោះវៀនឡើយ។ ក្រៅពីនេះវាក៏គ្មានផ្ទុកសារធាតុចិញ្ចឹមដែលចាំបាច់សម្រាប់រក្សាសុខភាពផងដែរ។ លើសពីនេះទៅទៀតការទទួល
ទានធញ្ញជាតិចម្រាញ់ច្រើនអាចធ្វើអោយជាតិស្ករក្នុងឈាមកើនឡើងខ្ពស់គួរអោយព្រួយបារម្ភ។

៤. អាហារកែច្នៃ

ក្រៅពីជះផលប៉ះពាល់ដល់បាក់តេរីល្អៗក្នុងពោះវៀនហើយនោះ ការទទួលទានអាហារកែច្នៃក៏បង្កើន
ហានិភ័យនៃជំងឺសាហាវៗជាច្រើន រួមបញ្ចូលទាំងជំងឺបេះដូងនិងមហារីក។ 

៥. គ្រឿងស្រវឹង

ការទទួលទានគ្រឿងស្រវឹងក្នុងកម្រិតមធ្យម ២ កែវក្នុងមួយថ្ងៃសម្រាប់បុរស និង ១ កែវក្នុងមួយថ្ងៃសម្រាប់នារី គឺប្រសើរ ប៉ុន្តែការទទួលទានគ្រឿងស្រវឹងច្រើនហួសកម្រិតអាចជះឥទ្ធិពលដល់បាក់តេរីល្អៗក្នុងពោះវៀន ក៏ដូចជាសុខភាពរាងកាយទាំងមូលគួរអោយព្រួយបារម្ភ។ ដូច្នេះដើម្បីជាការប្រសើរ
ចូរកម្រិតការទទួលទានរបស់អ្នក៕