ក្មេងប្រុសវ័យជំទង់ម្នាក់បានជាប់ម្ជុរមួយដើមក្នុងលិង្គរបស់គេ ខណៈពេលដែលគេគិតថាប្រើវាដើម្បីជួយកុំឲ្យងងុយគេងនៅពេលយប់ដើម្បីអាចបញ្ចប់ការធ្វើកិច្ចការផ្ទះពីសាលា។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក្មេងប្រុសដែលខំព្យាយាមរៀនសូត្រម្នាក់នេះមានអាយុ ១៣ឆ្នាំ បានប្រើប្រាស់ម្ជុរវិទ្យាសាស្រ្តរបស់ជីដូនរបស់ខ្លួនមួយដើមប្រវែងប្រហែល ១០សង់ទីម៉ែត្រ ដាក់ចូលទៅក្នុងបង្ហួរនោមរបស់ខ្លួន។ 

រយៈពេល ១៥ម៉ោងក្រោយមក គេក៏បានសារភាពប្រាប់ម្តាយខ្លួនអំពីរឿងនេះក្រោយពីម្តាយគាត់សម្គាល់ឃើញថា កូនរបស់ខ្លួនដើរយឺតខុសធម្មតា និងមានបង្ហាញអាការៈឈឺចាប់ផង។ ក្មេងវ័យជំទង់ម្នាក់នេះមកពីទីក្រុង Weinan ក្នុងតំបន់ Xian នៃភាគខាងជើងឈៀងខាងលិចនៃប្រទេសចិន ហើយក៏ត្រូវបានបញ្ជូន និងព្យាបាលក្នុងមន្ទីរពេទ្យកុមារ Xian Children Hospital។

លោក Wang Shengxing ជាប្រធានផ្នែកជំងឺផ្លូវទឹកម៉ូត្រប្រចាំមន្ទីរពេទ្យខាងលើ បានទទួលព្យាបាលក្មេងប្រុសនេះក្រោយពីក្មេងប្រុសនេះត្រូវបានបញ្ជូនពីមន្ទីរពេទ្យតូចមួយក្នុងតំបន់។ គាត់និយាយថា វាឈឺនៅពេលក្មេងប្រុសនេះដើរ និងនោម។ ឪពុកម្តាយរបស់ក្មេងប្រុសនេះមានការបារម្ភយ៉ាងខ្លាំង។ យ៉ាងណាមិញ ម្ជុរវិទ្យាសាស្រ្តប្រហែល ១០សង់ទីម៉ែត្រនេះត្រូវបានគេរកឃើញថា ដាក់ចូលទៅក្នុងបង្ហួរនោមកប់បាត់តែម្តង រហូតជិតដល់ប្លោកនោមឯណោះ។ ក្មេងប្រុសម្នាក់នេះអាចប្រឈមនឹងការបង្ករោគ ឬហូរឈាមបើសិន ម្ជុរនោះមានចលនា ហើយក៏អាចធ្វើឲ្យរហែកដល់ប្លោកនោម ឬសរសៃឈាមផងដែរ។ (អាន:ថ្នាំងងុយគេង ពេលអ្នកគួរប្រើ) យ៉ាងណាមិញ ម្ជុរនេះត្រូវបានគ្រូពេទ្យធ្វើការវះកាត់ដកចេញជាបន្ទាន់រួចហើយ។ ទោះបីជាយ៉ាងណាក៏ដោយ ក្មេងប្រុសនេះមិនត្រូវបានគេប្រាប់ឲ្យដឹងឈ្មោះនៅឡើយទេ ហើយក៏រំពឹងថាមានការជាសះស្បើយពេញលេញដែរ៕