ការរលាកភ្នែកធម្មតា ឬឈឺភ្នែកកម្រិតស្រាលអាចកើតមានឡើងដោយសារកត្តាផ្សេងៗជាច្រើនដែលនាំអោយមានអាការៈឡើងក្រហម ឈឺ រមាស់ ហើយងាយនឹងហូរទឹកភ្នែក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ទោះជាយ៉ាងណាកុំបារម្ភក៏ព្រោះបញ្ហានេះអាចត្រូវបានដោះស្រាយយ៉ាងងាយជាមួយរូបមន្តបែបធម្មជាតិមួយចំនួន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីវិធីបំបាត់អាការៈរលាកភ្នែកយ៉ាងឆាប់រហ័ស ៖  

១. ដំឡូងបារាំង

អ្វីដែលអ្នកត្រូវធ្វើ គឺគ្រាន់តែហាន់ដំឡូងបារាំងជាបន្ទះៗ រួចដាក់ចូលក្នុងទូរទឹកកកសម្រាប់រយៈពេល 
២ ម៉ោង។ បន្ទាប់មកសឹមយកដំឡូងបារាំង ២ បន្ទះចេញនិងដាក់ស្អំលើត្របកភ្នែកសម្រាប់រយៈពេល 
១៥ នាទី។ លាងសម្អាតមុខចេញជាមួយទឹកធម្មតាជាការស្រេច។ អនុវត្តអោយបានពី ២ ទៅ ៣ ដង
ក្នុងមួយថ្ងៃដើម្បីកាត់បន្ថយការរលាក។

២. ផ្លែប៉ោម

អ្វីដែលអ្នកត្រូវ គឺគ្រាន់តែចិតសំបកប៉ោមចេញ រួចហាន់ជាបន្ទះៗ ហើយចាប់ផ្ដើមកិនអោយម៉ដ្ឋ។បន្ទាប់មកលាបល្បាយផ្លែប៉ោមលើត្របកភ្នែកទាំងសងខាង និងប្រើប្រាស់បន្ទះសំឡីបិតពីលើ។ទុកចោលសម្រាប់រយៈពេលពី ១៥ ទៅ ២០ នាទី សឹមជូតចេញហើយលាងសម្អាតជាមួយទឹកធម្មតាជាការស្រេច។ អនុវត្តអោយបានពី ២ ទៅ ៣ ដងក្នុងមួយថ្ងៃ។

៣. ប្រទាលកន្ទុយក្រពើ

លាយសាច់ប្រទាលកន្ទុយក្រពើស្រស់ចំនួន ១ ស្លាបព្រាកាហ្វេជាមួយទឹកត្រជាក់ ២ ស្លាបព្រាបាយ។ប្រើប្រាស់សំឡីជ្រលក់ចូលក្នុងទឹកល្បាយ រួចយកមកស្អំលើត្របកភ្នែកសម្រាប់រយៈពេល ១០ នាទី។ អនុវត្ត ២ ដងក្នុងមួយថ្ងៃ៕