ខ្ញុំជឿថា អ្នកទាំងអស់គ្នាប្រាកដជាធ្លាប់ញ៉ាំកាហ្វេហើយ។ ប្រហែលជាមានអ្នកខ្លះ មិនបានញ៉ាំកាហ្វេមួយកែវ គឺធ្វើការមិនកើតដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ ខាងក្រោមនេះ ខ្ញុំនឹងបង្ហាញអំពីហេតុផលមួយចំនួនដែលអ្នកគួរតែចាប់ផ្តើម ឬបន្តទម្លាប់ញ៉ាំកាហ្វេប្រចាំថ្ងៃទៀត៖
ផ្តល់អារម្មណ៍ស្រស់ស្រាយ
បើសិនជាអ្នកអស់កម្លាំង ឬមានអារម្មណ៍ងងុយគេង អ្នកអាចញ៉ាំកាហ្វេក្តៅមួយពែងដើម្បីផ្តល់អារម្មណ៍ស្រស់ស្រាយឡើងវិញបាន។ នេះដោយសារតែវត្តមានរបស់សារធាតុ Psychoactive តែម្តង ដែលវាអាចជ្រៀបចូលទៅក្នុងឈាម និងទៅធ្វើការដល់ខួរក្បាលតែម្តង។ រឿងនេះនឹងធ្វើឲ្យខួរក្បាលពេញចិត្ត និងសប្បាយចិត្ត។
ជួយរំលាយជាតិខ្លាញ់ខ្លះ
ថ្វីបើជាតិកាហ្វេអ៊ីនដែលមានក្នុងកាហ្វេជួយរំលាយដល់ជាតិខ្លាញ់មែនក៏ដោយ តែកាហ្វេបៃតងក៏ជារបស់ដ៏ល្អសម្រាប់សម្រកទម្ងន់ដែរ។ វាផ្ទុកទៅដោយសារធាតុ Chlorogenic Acid ដែលជួយបង្កើនការរំលាយអាហារ តាមរយៈការទប់ស្កាត់ការបញ្ចេញជាតិស្ករក្នុងរាងកាយ និងមិនបង្កើនចង្វាក់បេះដូង។
បន្ថយការប្រឈមនឹងជំងឺភ្លេចភ្លាំង
អង់ទីអុកស៊ីដង់ក្នុងកាហ្វេជួយបង្ការកោសិកាខួរក្បាលកុំឲ្យខូចខាត។ លើសពីនេះទៅទៀត ការញ៉ាំកាហ្វេរាល់ថ្ងៃ នឹងពង្រឹងដល់ភាពឆ្លាតវៃ តាមរយៈជំរុញដល់សកម្មភាពរបស់សារធាតុចម្លងសរសៃប្រសាទក្នុងខួរក្បាលតែម្តង។
គ្រប់គ្រង និងបង្ការជំងឺទឹកនោមផ្អែម
បើសិនជាអ្នកញ៉ាំកាហ្វេ ៤ពែងក្នុងមួយថ្ងៃ អ្នកនឹងអាចបន្ថយការប្រឈមនឹងជំងឺទឹកនោមផ្អែមប្រភេទទី២បាន។ នេះដោយសារតែអង់ទីអុកស៊ីដង់ Chlorogenic Acid និង Quinides ទៅបង្កើនភាពអាចទទួលយករបស់អាំងស៊ុយលីន ដើម្បីគ្រប់គ្រងជាតិស្ករក្នុងឈាមកាន់តែល្អ។
ថែរក្សាសុខភាពបេះដូង
ការញ៉ាំកាហ្វេមួយថ្ងៃមួយពែង នឹងទៅបន្ថយការប្រឈមនឹងជំងឺបេះដូង និងដាច់សរសៃឈាមខួរក្បាលបាន។ ភេសជ្ជៈមួយនេះមានឥទ្ធិពលប្រឆាំងនឹងការរលាកលើសរសសៃឈាមអាក់ទែ ដោយសារតែអង់ទីអុកស៊ីដង់របស់វា។ កាហ្វេនឹងបង្កើនការផលិតរបស់ Nitric Oxide សម្រាប់បន្ថយសម្ពាធឈាម ហើយក៏ជួយឲ្យបេះដូងមានសុខភាពល្អដែរ។
ការពារជំងឺមហារីកច្រើនប្រភេទ
កាហ្វេមានឥទ្ធិពលវិជ្ជមានមួយទៅលើរាងកាយ តាមរយៈការទប់ស្កាត់ជំងឺមហារីកច្រើនប្រភេទដូចជា មហារីកថ្លើម ពោះវៀនធំ ក្រពេញប្រូស្តាត ស្បូន និងស្បែកជាដើម។ នេះដោយសារតែអង់ទីអុកស៊ីដង់របស់កាហ្វេ ទៅបន្ថយចំនួនជាតិពុលក្នុងរាងកាយតែម្តង។ យ៉ាងណាមិញ នៅពេលញ៉ាំកាហ្វេច្រើនពេក រហូតដល់លើសពី ៤កែវក្នុងមួយថ្ងៃ វាអាចបង្កើនការលូតលាស់ កោសិកាមហារីកទៅវិញទេ។
បង្ការជំងឺថ្លើម
ដោយសារតែថ្លើមដើរតួនាទីដ៏សំខាន់មួយក្នុងការបញ្ចេញជាតិពុលគ្រោះថ្នាក់ពីក្នុងរាងកាយ សរីរាង្គមួយនេះគឺប្រឈមខ្ពស់នឹងការបង្ករោគណាស់។ ហេតុដូច្នេះហើយ យកល្អគួរតែថែរក្សាថ្លើមឲ្យមានសុខភាពល្អ និងបន្ថយការប្រឈមនឹងជំងឺថ្លើមខ្លួនឯងតែម្តង។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ អ្វីដែលអ្នកត្រូវការគឺញ៉ាំកាហ្វេពី ២ ទៅ ៣ពែងជារឿងរាល់ថ្ងៃ ដើម្បីបង្ការជំងឺក្រិនថ្លើម៕