ផ្លែខ្នុរត្រូវបានប្រជាជនខ្មែរយើងស្គាល់យ៉ាងច្បាស់ថា មានរសជាតិផ្អែមឆ្ងាញ់ ហើយក៏ត្រូវបានគេរកឃើញថាមានប្រយោជន៍ច្រើនដល់សុខភាពដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញរាល់ ផ្លែខ្នុងមួយៗសុទ្ធតែមានគ្រាប់របស់វា ហើយវាក៏ត្រូវបានគេរកឃើញទៀតថា មានប្រយោជន៍ចំពោះសុខភាពមនុស្សយើងដែរ។ គ្រាប់ខ្នុងត្រូវបានគេប្រើប្រាស់ជាថ្នាំឱសថបូរាណចិន ព្រមទាំងព្យាបាលដល់បញ្ហាក្រពះពោះវៀនផងដែរ។ ខាងក្រោមនេះគឺជារឿងមួយចំនួនអំពីប្រយោជន៍របស់គ្រាប់ខ្នុរ៖
អាចសម្លាប់មេរោគបាន
គ្រាប់ខ្នុរពេលខ្លះត្រូវបានគេប្រើប្រាស់ដើម្បីបំបាត់ការរាករូស។ តាមពិតទៅ ការសិក្សាបានបង្ហាញថា គ្រាប់ខ្នុងប្រហែលជាមានប្រយោជន៍ក្នុងការសម្លាប់បាក់តេរីផង។ ការសិក្សាមួយបានរកឃើញថា ផ្ទៃរបស់គ្រាប់ខ្នុរគ្របដណ្តប់ដោយកំណកតូចៗដែលដើរតួនាទីសម្លាប់បាក់តេរី។ វាអាចសម្លាប់បាក់តេរីសំខាន់ៗបានដូចជា មេរោគ E. Coli ដែលជាភ្នាក់ងារបង្កជំងឺខ្លាំងមួយក្នុងក្រពះពោះវៀន។
ប្រហែលជាអាចប្រឆាំងនឹងមហារីកផង
ការសិក្សាមួយចំនួនបានបញ្ជាក់ថា គ្រាប់ផ្លែខ្នុងប្រហែលជាមានប្រយោជន៍ច្រើនក្នុងការប្រឆាំងមហារីក។ វាត្រូវបានគេជឿថា នេះដោយសារតែសារធាតុរុក្ខជាតិ និងអង់ទីអុកស៊ីដង់របស់វាតែម្តង ដែលមានដូចជា Flavonoids, Saponins និង Phenolics។ ការសិក្សាបានបង្ហាញថា សារធាតុរុក្ខជាតិទាំងនេះប្រហែលជាជួយប្រឆាំងការរលាក ជំរុញដល់ប្រព័ន្ធភាពស៊ាំ និងជួយជុសជុល DNA ដែលខូចៗ។
ជួយដល់ការរំលាយអាហារ
វាមិនខុសគ្នានឹងគ្រាប់ផ្លែឈើផ្សេងៗឡើយ គ្រាប់ផ្លែខ្នុរមានទាំងជាតិសរសៃរលាយ និងមិនរលាយ។ វាអាចឆ្លងចូលទៅក្នុងផ្លូវរំលាយអាហារ និងជួយសម្រួលដល់ចលនាធម្មតារបស់ពោះវៀន ព្រមទាំងការបន្ទោបង់ផង។ ក្រៅពីនេះ ជាតិសរសៃត្រូវបានគេចាត់ទុកថាជា Prebiotic ដែលជួយចិញ្ចឹមបាក់តេរីល្អៗក្នុងពោះវៀនផង។ បាក់តេរីនេះនឹងទ្រទ្រង់ដល់ការរំលាយអាហារដ៏ល្អ និងប្រព័ន្ធភាពស៊ាំ។ ការសិក្សាជាច្រើនបានរកឃើញថា ការញ៉ាំជាតិសរសៃច្រើនអាចជួយបំបាត់ការទល់លាមកបាន។
បន្ថយកូឡេស្តេរ៉ុល
ការស្រាវជ្រាវក៏បានបញ្ជាក់ថា គ្រាប់ខ្នុរប្រហែលជាជួយពង្រឹងដល់កម្រិតកូឡេស្តេរ៉ុលក្នុងឈាមបាន។ រឿងនេះទំនងជាបង្កឡើងដោយឥទ្ធិពលជាតិសរសៃ និងអង់ទីអុកស៊ីដង់ដ៏ខ្ពស់របស់គ្រាប់ខ្នុរតែម្តង។ ការកើនឡើងកូឡេស្តេរ៉ុលអាក្រក់អាចធ្វើឲ្យលើសសម្ពាធឈាម ជំងឺទឹកនោមផ្អែម និងប្រឈមខ្លាំងនឹងជំងឺបេះដូងបាន។ (អាន:ថ្នាំងងុយគេង ពេលអ្នកគួរប្រើ)ការសិក្សាមួយទៅលើសត្វកណ្តុរបានឲ្យដឹងថា កាលញ៉ាំគ្រាប់ខ្នុរកាន់តែច្រើនកាន់តែបន្ថយកូឡេស្តេរ៉ុលអាក្រក់ក្នុងឈាម តែបង្កើនកូឡេស្តេរ៉ុលល្អក្នុងឈាមវិញ៕