ការទល់លាមកអាចកើតឡើងដោយចៀសមិនផុតឡើយ ហើយវាក៏ជាផ្នែកមួយនៃជីវិតរស់នៅផងដែឬ។ ប៉ុន្តែបើសិនជាអ្នកខានមិនបានបន្ទោបង់ ឬមិនអាចបន្ទោបង់រួចរយៈពេលច្រើនថ្ងៃ វានឹងធ្វើឲ្យមានអារម្មណ៍ថាធ្ងន់ៗក្នុងពោះជាមិនខាន ហើយក៏មិនល្អចំពោះរបៀបរស់នៅដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយទើបធ្វើឲ្យមនុស្សភាគច្រើនតែងតែទិញថ្នាំបន្ទន់លាមកដើម្បីដោះស្រាយបញ្ហា។ ប៉ុន្តែបើសិនជាអ្នកមិនចង់ប្រើថ្នាំបន្ទន់លាមកដោយសារតែខ្លាចផលរំខានរបស់វា យកល្អគួរតែធ្វើដូចខាងក្រោមនេះសិនទៅ។
ប្រេងអូលីវ
ប្រេងអូលីវសុទ្ធល្អគឺជាឱសថព្យាបាលការទល់លាមកដ៏មានប្រសិទ្ធភាពមួយ។ ប្រេងនេះនឹងជួយធ្វើឲ្យផ្លូវរំលាយអាហារកាន់តែស្រួល និងសុខភាពល្អ។ ដើម្បីអនុវត្តវិធីព្យាបាល ញ៉ាំប្រេងអូលីវមួយស្លាបព្រាបាយនៅពេលព្រឹកមុនញ៉ាំអាហារ។
កាហ្វេ
ការញ៉ាំកាហ្វេរាល់ព្រឹកមិនត្រឹមតែមិនត្រឹមតែជួយឲ្យមានអារម្មណ៍ល្អទេ តែក៏ជួយឲ្យពោះវៀនដើរបានល្អដែរ។ កាហ្វេជួយបង្កើនមុខងារប្រព័ន្ធរំលាយអាហារ ដូច្នេះក៏មិនបាច់បារម្ភថាមានបញ្ហាទល់លាមកដែរ។ ចូរប្រាកដថា អ្នកញ៉ាំកាហ្វេត្រឹមតែ ១ ទៅ២ពែងក្នុងមួយថ្ងៃបានហើយដើម្បីដោះស្រាយការទល់លាមក។
ជាតិសរសៃ
នៅពេលដោះស្រាយការទល់លាមកតាមបែបធម្មជាតិ គេច្រើនតែជ្រើសរើសការញ៉ាំអាហារសម្បូរជាតិសរសៃ។ ដូច្នេះអាហារបែបនេះគឺមិនពិបាករកទេ គឺអាចរកបានដោយស្រួលក្នុងបន្លែ និងផ្លែឈើ។ អ្នកគ្រាន់តែញ៉ាំអាហារបែបនេះឲ្យបានច្រើនគឺដោះស្រាយបានហើយ។
រស់នៅបែបសកម្ម
បើសិនជាអ្នកចង់បំបាត់ការទល់លាមក អ្នកក៏គួរតែរស់នៅបែបសកម្មដែរ។ បញ្ហានោះគឺថា មនុស្សយើងច្រើនតែរស់នៅដោយការអង្គុយច្រើនជាងដែរ។(អាន:ថ្នាំងងុយគេង ពេលអ្នកគួរប្រើ) ថ្វីបើមិនមានទំនាក់ទំនងច្បាស់លាស់រវាងការទល់លាមក និងការកង្វះធ្វើចលនាក៏ដោយ យកល្អគួរតែរស់នៅឲ្យសកម្មផងទៅ៕