ការវះកាត់យកដុំសាច់ក្នុងសុដន់នឹងត្រូវធ្វើនៅពេលដែលលទ្ធផលនៃការពិនិត្យដុំសាច់នោះឆ្លើយថា វាជាដុំសាច់របស់មហារីក។ គោលបំណងនៃការវះកាត់នេះគឺ ដើម្បីយកដុំសាច់មិនធម្មតា និងជាលិកាល្អមួយចំនួននៅជុំវិញដុំសាច់នោះចេញផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការធ្វើបែបនេះគឺដើម្បីឲ្យប្រាកដថា មិនមានសល់កោសិកាមហារីកក្នុងសុដន់ទៀតទេ។
ដោយយោងទៅតាម Mayoclinic បានឲ្យដឹងថា ការកាត់ដុំសាច់ចេញពីសុដន់មានប្រសិទ្ធភាពដូចគ្នានឹងការកាត់សុដន់ចោលដែរក្នុងករណីដែលរកឃើញមហារីកសុដន់ក្នុងដំណាក់កាលដំបូង។
ការវះកាត់យកដុំសាច់ក្នុងសុដន់គឺធ្វើឡើងដើម្បីបង្ការកុំឲ្យដុំសាច់មហារីករាលដាលទៅកន្លែងផ្សេងទៀតនៃរាងកាយ។ ការវះកាត់នេះក៏អាស្រ័យទៅតាមទំហំ និងដំណាក់កាលនៃដុំសាច់មហារីកដែរ។
គ្រូពេទ្យភាគច្រើនអាចនឹងជ្រើសរើសវិធីវះកាត់នេះជំនួសការកាត់សុដន់ទាំងមូលចោល។ ការវះកាត់ដុំសាច់ក្នុងសុន់ គឺគ្រាន់តែយកផ្នែកមួយក្នុងសុដន់ដែលជាដុំសាច់មហារីកចេញប៉ុណ្ណោះ ហើយក៏ទុកសរីរាង្គផ្សេងៗដែលល្អនៅធម្មតាដដែលទេ។ យ៉ាងណាមិញ ការបាញ់កាំរស្មី ឬប្រើថ្នាំមហារីកអាចនឹងត្រូវធ្វើបន្ថែមក្រោយពីវះកាត់រួចដើម្បីប្រាកដថា មិនមានសល់កោសិកាមហារីកទៀតឡើយ។
ធម្មតារាល់ការវះកាត់ទាំងអស់តែងតែប្រឈមនឹងប្រតិកម្មអាឡែហ្ស៊ី ហូរឈាម និងការបង្ករោគហើយ។ ក្រោយពីវះកាត់យកដុំសាច់ចេញពីសុដន់រួច សុដន់អាចនឹងមានអារម្មណ៍ថាស្ពឹកៗបើសិនជាមានការប៉ះពាល់ដល់សរសៃប្រសាទ។ ចំពោះរូបរាងរបស់សុដន់អាចនឹងប្រែប្រួលដែរ។ ដូច្នេះអ្នកអាចនឹងមានអារម្មណ៍មិនសូវល្អចំពោះរូបរាងខាងក្រៅឡើយ។
វាតែងតែមានហើយនូវការហើមតឹងបណ្តោះអាសន្នក្រោយពីវះកាត់រួច។ បើសិនជាអ្នកជ្រើសរើសយកការវះយកដុំសាច់ចេញជំនួសការកាត់សុដន់ អ្នកអាចនឹងត្រូវការព្យាបាលដោយបាញ់កាំរស្មីចំនួន ៥ដងក្នុងមួយសប្តាហ៍ រយៈពេល ៧សប្តាហ៍បន្ថែមទៀតក្រោយពីវះកាត់រួច។ (អាន:ថ្នាំងងុយគេង ពេលអ្នកគួរប្រើ)ចំពោះផលរំខានវិញអាចនឹងមានដូចជា អស់កម្លាំង ចង្អោ និងក្អួត៕