អយស្ទ័រ ជាប្រភេទអាហារសមុទ្រម្យ៉ាងដែលកំពុងពេញនិយមយ៉ាងខ្លាំង។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វាក៏ជាអាហារដែលមានផ្ទុកសម្បូរទៅដោយសារធាតុចិញ្ចឹម ហើយអាចយកមកទទួលទានទាំងឆៅ ឬចម្អិនតាមរបៀបផ្សេងៗ។ បើទោះជាភាគច្រើននៃពួកយើងក៏ប្រាកដជាស្គាល់និងធ្លាប់ទទួលទានអាហារសមុទ្រនេះ ប៉ុន្តែប្រហែលជាមិនចាប់អារម្មណ៍អំពីអត្ថប្រយោជន៍របស់វាចំពោះសុខភាពឡើយ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការទទួលទានអយស្ទ័រ ៖
១. ទប់ស្កាត់ជំងឺខ្វះគ្រាប់ឈាមក្រហម
អយស្ទ័រជាប្រភពដ៏ល្អបំផុតមួយនៃជាតិដែកដែលមិនត្រឹមតែជួយទប់ស្កាត់ប៉ុណ្ណោះទេ ប៉ុន្តែក៏ប្រយុទ្ធប្រឆាំងនឹងជំងឺខ្វះគ្រាប់ឈាមក្រហមផងដែរ។
២. ផ្ទុកសម្បូរទៅដោយជាតិស័ង្កសីច្រើនជាងអាហារសមុទ្រដទៃទៀត
ជាតិស័ង្កសី គឺចាំបាច់ណាស់សម្រាប់ការលូតលាស់បានត្រឹមត្រូវ ពង្រឹងប្រព័ន្ធភាពស៊ាំ ក៏ដូចជាជួយឱ្យរបួសឆាប់ជាសះស្បើយ។
៣. បង្កើនសុខភាពបេះដូង
នោះក៏ព្រោះតែអយស្ទ័រជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ប៉ូតាស្យូម និងម៉ាញ៉េស្យូមដែលជួយកាត់បន្ថយហានិភ័យនៃ ជំងឺគាំងបេះដូង ដាច់សសៃឈាមខួរក្បាល និងសម្ពាធឈាមឡើងខ្ពស់។
៤. បង្កើនសុខភាពផ្លូវភេទ
បរិមាណនៃជាតិស័ង្កសីក្នុងអយស្ទ័រជួយរាងកាយផលិតអ័រម៉ូនតេស្តូស្តេរ៉ូនដែលមានតួនាទីគ្រប់គ្រងពង្រឹងដំណើរការមុខងារផ្លូវភេទរបស់បុរសនិងស្ត្រី។ ចំពោះបុរសការទទួលទានអយស្ទ័រជួយបង្កើនដល់បរិមាណនៃមេជីវិតឈ្មោល និងសមត្ថភាពនៃការហែល។ រីឯស្ត្រីវិញជាតិស័ង្កសីជួយដល់អូវែធ្វើឱ្យមានតុល្យភាពរវាងអ័រម៉ូន estrogen អ័រម៉ូន progesterone និងអ័រម៉ូន testosterone។
៥. បង្កើនថាមពលរាងកាយ
អយស្ទ័រជាប្រភពដ៏ប្រសើរនៃជាតិដែកដែលជួយរាងកាយដឹកនាំអុកស៊ីសែនទៅកាន់រាល់កោសិកាផ្ដល់ឱ្យអ្នកនូវថាមពលបន្ថែមឆាប់រហ័ស។
៦. កាត់បន្ថយកូឡេស្តេរ៉ូលមិនល្អ
ការសិក្សាមួយដែលធ្វើឡើងដោយសាកលវិទ្យាល័យវ៉ាស៊ីនតោន សហរដ្ឋអាមេរិក បានរកឃើញថា ការទទួលទានអយស្ទ័រអាចជួយបង្កើនកម្រិតកូឡេស្តេរ៉ូលល្អ ហើយកាត់បន្ថយកម្រិតនៃកូឡេស្តេរ៉ូលមិនល្អ។
៧. ធ្វើឱ្យមុខងារខួរក្បាលកាន់តែប្រសើរឡើង
អយស្ទ័រមានផ្ទុកសម្បូរទៅដោយវីតាមីន B12 អាស៊ីតខ្លាញ់អូមេហ្គា ៣ ជាតិស័ង្កសី និងជាតិដែកដែលសុទ្ធសឹងតែជាសារធាតុចិញ្ចឹមចាំបាច់សម្រាប់សុខភាព ក៏ដូចជាមុខងារនៃខួរក្បាលបង្កើនការចងចាំ។
៨. បង្កើនបរិមាណមេជីវិតឈ្មោល
អយស្ទ័រ គឺជាប្រភពដ៏ល្អបំផុតមួយនៃជាតិស័ង្កសីល្អសម្រាប់បុរស ដោយវាជួយក្នុងការបង្កើនការផលិតមេជីវិតឈ្មោល៕