វីដេអូឃ្លីបមួយដែលបង្ហាញពីសកម្មភាពកូនកំលោះឌុបកូនក្រមុំតាមម៉ូតូរ៉ឺម៉កដឹកជ្រូកលើកំណាត់ផ្លូវហាយវ៉េមួយក្នុងប្រទេសវៀតណាម ភាគខាងត្បូងត្រូវបានគេបង្ហោះចែករំលែកព្រោងព្រាត តាមបណ្តាញទំនាក់ទំនងសង្គម អមដោយខំមិនរិះគន់ជាច្រើន។
ក្នុងវីដេអូឃ្លីបរយៈពេល ៣៨ វិនាទីនេះ កូនកំលោះបើកម៉ូតូរ៉ឺម៉កដឹកជ្រូក ឌុបកូនក្រមុំសើចញញឹម ញញែមដោយមិនពាក់មួកសុវត្ថិភាព លើកំណាត់ផ្លូវជាតិលេខ ២០ ស្ថិតត្រង់ភូមិសាស្ត្រស្រុកថុង ញ៉ាត (Thong Nhat) ខេត្តដុង ណៃ (Dong Nai) ជាប់ក្រុងហូជីមិញ។
គេក៏សង្កេតឃើញបុរសប្រមាណ ១២ នាក់ផ្សេងទៀតជិះម៉ូតូអមកូនកំលោះកូនក្រមុំស្រែកហ៊ោរ កញ្ជ្រៀវ ហើយសុទ្ធតែអត់ពាក់មួកសុវត្ថិភាព ជាទង្វើដែលប្រឈមការផាកពិន័យក្នុងម្នាក់ៗចន្លោះពី ១០០.០០០ ដុង (ប្រហែល ៥ ដុល្លារ) ទៅ ២០០.០០០ ដុង (ប្រហែល ៩ ដុល្លារ) តាមច្បាប់ ចរាចរណ៍របស់វៀតណាម។
វីដេអូឃ្លីបនេះត្រូវបានគេទស្សនារាប់ម៉ឺនដង និងបង្ហោះចែករំលែកប្រហែល ១.០០០ ដង ហើយទទួលបានខំមិនយ៉ាងច្រើន ដែលភាគច្រើនរិះគន់បុរសទាំងនោះដែលល្មើសច្បាប់ចរាចរណ៍៕
ប្រភព៖ rasmeinews.com